Хаартыска: ЯСИА
От ыйын 6 күнүнээҕи сарсыардааҥы туругунан, өрөспүүбүлүкэҕэ умайа турар ойуур уонна ландшафт баһаардара бэлиэтэммэтилэр.
Бэҕэһээ авиациянан кэтээн көрүү түмүгүнэн саҥа айылҕа баһаардара көстүбэтилэр. Бу туһунан өрөспүүбүлүкэ Суһал ыстааба иһитиннэрэр.
От ыйын 6 күнүгэр кэтээн көрүүлэр Горнай, Үөһээ Бүлүү, Бүлүү, Үөһээ Халыма, Ньурба, Хаҥалас, Кэбээйи, Сунтаар, Таатта, Чурапчы, Томпо, Нам, Уус-Алдан, Мэҥэ-Хаҥалас улуустарын уонна Дьокуускай к. территорияларыгар ыытыллаллара былааннанар. Авиапатрульга уопсайа 11 салгын сууданaта кыттар.
Саха сиригэр баһаартан сэрэх буолуу кэмэ саҕаланыаҕыттан уопсайа 62 тыһ. га тахса иэҥҥэ 339 айылҕа баһаара умуруорулунна, ол иһигэр ойуур пуондатын сирдэригэр – 56 тыһыынча га тахса иэҥҥэ 154 баһаар. Айылҕа баһаардарын 55 буруйдааҕа быһаарылынна, ойуурга баһаартан сэрэхтээх буолуу быраабылатын кэһии иһин 133 боротокуол оҥоһулунна.
Өрөспүүбүлүкэ территориятыгар ураты баһаартан сэрэхтээх буолуу эрэсиимэ олохтоммута. Ону таһынан, Дьааҥы, Өлүөхүмэ уонна Эбээн-Бытантай улуустарыгар, ону тэҥэ Жатай уокуругар эмиэ ураты баһаартан сэрэхтээх буолуу эрэсиимэ киллэрилиннилэр.
Айылҕа баһаарын буллаххытына, Ойуур хаһаайыстыбатын эрэгийиэннээҕи диспетчерскэй сулууспатыгар бу нүөмэринэн эрийиҥ: 7 (4112) 44-74-76. Ону тэҥэ ойуур харыстабылын биир кэлим нүөмэригэр бу төл. эрийиэххитин сөп: 8-800-100-94-00.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…