Хаартыска: РБ 2 пресс-сулууспата
Өрөспүүбүлүкэтээҕи 2 №-дээх балыыһа-Мэдиссиинэ суһал киинэ өрөспүүбүлүкэ демографиятыгар быһаччы дьайар балыыһанан буолар.
Ол курдук, балыыһа састаабыгар I таһымнаах Эчэйии, Ожоговай, Тымыр (эрэгийиэннээҕи) кииннэрэ киирэллэр.
Өрөспүүбүлүкэтээҕи 2 №-дээх балыыһаҕа анал, ол иһигэр үрдүк технологиялаах уонна мэдиссиинэ суһал көмөтө, оҥоһуллар.
Киһи олоҕор суоһуур кутталлаах турукка суһал көмөнү оҥорторо сылга 15 тыһыынча кэриҥэ киһи балыыһаҕа киирэн эмтэнэр. Суһал көрдөрүүнэн 11 тыһыынча кэриҥэ суһал орооһуу оҥоһуллар, реанимация отделениеларыгар 5 тыһыынчаттан тахса киһи киирэр.
2022 сыллаахха манна бары хайысхаларга мэдиссиинэ көмөтүн оҥоруу бэрээдэгин стандартыгар төһө сөп түбэһиигэ анаалыс оҥоһуллубута. Онно биллибитинэн, III таһымнаах суһал көмөнү оҥорор мэдиссиинэ соҕотох тэрилтэтин саҥалыы сэбилээһин былаанын оҥоруу уонна үбүлээһин боппуруоһа сытыытык турбута. Бастатан туран, суһал уларыйыыга эпэрээссийэлиир блок подразделениелара, анестезиология уонна реанимация отделениелара, эндоскопия подразделениелара наадыйбыттара.
СӨ Доруобуйа харыстабылыны министиэристибэтин, миниистир Лена Афанасьева тус көҕүлээһининэн Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин сэбилээһин бырагыраамата 2022 сыл балаҕан ыйыттан саҕаламмыта.
Ил Дархан Айсен Николаев уонна СӨ бырабыыталыстыбатын өйөбүллэринэн 2023 сыллаахха сэбилээһин бырагыраамата үлэҕэ киллэриллэн барбыта.
2024 сыл саас бырагыырама бастакы түһүмэҕин көмөтүнэн эпэрээссийэлиир саалалар, анестезиология тэриллэрэ саҥардыллыбыттара. Үрдүк технологиялаах уустук эпэрээссийэлэри оҥорор 38 сыаналаах тэрил атыылаһыллан туһанылла сылдьар.
Мэдиссиинэ көмөтүн оҥоруу бэрээдэгэр сөп түбэһиннэрэн балыыһаны саҥардыы мэдиссиинэ көмөтүн хаачыстыбатын тупсарарга, хирургия саҥа уустук көрүҥнэрин олоххо киллэрэргэ, дьон олоҕун быыһыырга көмөлөстө.
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…