Өрөспүүбүлүкэтээҕи «Аҕа күрэҕэ — 2025» Дьокуускайга ыытыллыаҕа

Өрөспүүбүлүкэтээҕи аҕа уонна уол оҕо күрэҕэ быйыл Дьокуускай куоракка ыытыллыаҕа.

Кулун тутар  29  —  30 күннэригэр Дьокуускайга  ыытыллар  үбүлүөйдээх  XXV  өрөспүүбүлүкэтээҕи  «Аҕа күрэҕэ-2025» Улуу Кыайыы 80 сылыгар ананар. Бу туһунан Дьокуускай куорат дьаһалтатын пресс-сулууспата иһитиннэрдэ.

Бастакы сүүмэрдиир түһүмэхтэр муниципальнай тэриллиилэргэ кулун тутар 23 күнүн иннинэ ыытыллыахтара.

Иккис өрөспүүбүлүкэтээҕи түһүмэх Дьокуускай куоракка Сайсары күөлүгэр буолуоҕа.

Кыттааччылар «Маһы суоруу», «Бэрэбинэни хардаҕас гына эрбээһин», «Маһы бэлэмнээһин», «Ойбону алларыы», «Остуолбаҕа ыттыы», «Оллооҥҥо чэйи өрүү», «Булт биатлона» түһүмэхтэригэр илин-кэлин түсүһүөхтэрэ.

Муҥутуур кыайыылаах  хамаанда 300 000 солк. наҕараадаланыаҕа. Иккис миэстэ – 150 000 солк.; үһүс миэстэ – 100 000  солк.