Өрөспүүбүлүкэтээҕи балыыһаҕа саҥа отделениеланна

От ыйыгар Өрөспүүбүлүкэтээҕи 2 №-дээх балыыһаҕа-Мэдиссиинэ суһал киинигэр доруобуйаны эрдэттэн чөлүгэр түһэрии  отделениета(ОРМР)    арыллыбыта.

Манна инсульт, инфаркт миокарда, неврология уонна олох хаачыстыбатыгар дьайыан сөптөөх эчэйии курдук улахан ыарыылаах дьон доруобуйатын чөлүгэр түһэрии бастакы түһүмэҕэр анал көмөнү оҥороллор.

«Чөлүгэр түһэрии түһүмэҕэ эмтэнээччи биһиги балыыһабыт реанимацияларын отделениетыгар киирээтин кытары саҕаланар, — диэн ОРМР сэбиэдиссэйэ Артем Науменко кэпсиир. – Тута ыарыы содулун аччатар уонна ыарыһах ыарахан туруктан тахсарыгар түргэнник көмөлөһөр дьайыылары саҕалыыбыт. Сүрүнэ, ыарыыттан сыыстарыыны аҕыйатан, ыарыһах балыыһаҕа сытар кэмин кылгатабыт”.

Үгүс түгэҥҥэ эрдэттэн чөлүгэр түһэрии араас сыыстарыы,  сытартан бааһырыы, ойоҕостотуу уо.д.а. сайдарын бопсорго көмөлөһөр.

Мэдиссиинэ эрдэттэн реабилитациятын отделениетыгар физическай уонна реабилитационнай мэдиссиинэ (ФРМ) быраастара, мультидисциплинарнай  реабилитациялыыр биригээдэ исписэлиистэрэ, мэдиссиинэ сиэстэрэлэрэ, логопедтар,   психологтар, доруобуйаны чөлүгэр түһэрии инструктордара,  эргореабилитация исписэлиистэрэ үлэлииллэр.