Хаартыска: Нам улууһун дьаһалтатын пресс-сулууспата
Бу нэдиэлэҕэ Дьокуускай куоракка бастакы өрөспүүбүлүкэтээҕи агрономическай пуорум буолан ааста.
Нам улууһун сүрүн агронома Сардана Новгородова тэрээһин туһунан маннык кэпсээтэ:
«Пуорумҥа Нам улууһуттан 4 киһилээх дэлэгээссийэ кытынна: Хамаҕатта нэһилиэгин пиэрмэрэ Александр Жирков, Үөдэй нэһилиэгиттэн Рафаэл Петров, «Россельхозцентр» исписэлииһэ Маргарита Габышева уонна мин. Дьаһал сүрүн сыала-соруга – тыа хаһаайыстыбатын идэлэрин киэҥник тарҕатыы, үүнээйи бородууксуйатын оҥорон таһаарыы таһымын үрдэтии о.д.а. буолар. Пуорум кэмигэр дэлэгээттэр Дьокуускай куорат таһынааҕы ситиһиилээх хаһаайыстыбаларга сырыттылар, кинилэр уопуттарын уонна үүнээйини үүннэрии аныгы технологияларын, ону тэҥэ көдьүүстээх сыыппара быһаарыыларын киллэриини кытта билистилэр.
Дьаһал чэрчитинэн өрөспүүбүлүкэ тыатын хаһаайыстыбатын сайдыытын тоҕоостоох боппуруостарын дьүүллэстилэр уонна кыттааччылар бэйэ-бэйэлэригэр уопут атастастылар. Ону таһынан, олохтоох оҕуруот аһын быыстапкатыгар-дьаарбаҥкатыгар сырыттылар. Маннык дьаһалларга уопуттаах хаһаайыстыбалар уонна исписэлиистэр бэйэлэрин билиилэринэн-көрүүлэринэн, уопуттарынан үллэстэллэр. Бу пиэрмэрдэр элбэх уопуту ылан, бэйэлэрин хаһаайыстыбаларыгар туһаналларыгар кыах биэрэр». Бу туһунан Нам улууһун дьаһалтатын пресс-сулууспата иһитиннэрэр.
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…