Өрөспүүбүлүкэтээҕи «Бродников ааҕыылара» үрдүк тэрээһиннээхтик ыытылынна

Аҕа дойду сэриитин бэтэрээнэ, биллиилээх бэйиэт, прозаик, публицист, учуутал Алексей Спиридонович Бродников төрөөбүт сиригэр Чурапчы улууһун Төлөй нэһилиэгэр Улуу Кыайыы 80 сылыгар аналлаах Х өрөспүүбүлүкэтээҕи “Бродников ааҕыылара” ситиһиилээхтик ыытылыннылар.

Бу өрөспүүбүлүкэтээҕи научнай-практическай кэмпириэнсийэ Төлөй орто оскуолатыгар быйыл кулун тутар 1 күнүгэр лоп-курдук 10-с төгүлүн буолан ааста. Тэрээһин 2001 сылтан саҕалаан, оскуола кэлэктиибин кыһамньытынан, нэһилиэк өйөбүлүнэн, иккилии сыл буола-буола ыытыллар. Ааҕыылары бастакынан көҕүлээн, өйөөн, тыл көтөхпүттэрэ: суруйааччы төрөппүт кыыһа Саргылаана Алексеевна Бродникова, сиэн быраата Саха Сирин суруйааччыларын сойууһун чилиэнэ Павел Петрович Федоров-Сомоҕо, кэргэнин Мария Харлампьевна Бродникова сиэн быраата “Айар” кинигэ кыһатын кылаабынай эрэдээктэрин солбуйааччыта Валерий Николаевич Луковцев-Дьурустаан. Саргылаана Алексеевна Дьокуускайдааҕы 2-с нүөмэрдээх политехническай орто оскуолаҕа дириэктэри солбуйааччынан тахсыылаахтык үлэлии-хамсыы сылдьар.

“Бродников ааҕыылара” научнай-практическай кэмпириэнсийэ А.С. Бродников аатынан “Аартык” Норуот айымньытын дьиэтин иннигэр туруоруллубут суруйааччы бүүһүгэр сибэкки дьөрбөтүн уурууттан саҕаланна. Алексей Спиридонович Бродников сырдык аатын кэриэстээн, Төлөй нэһилиэгин Аҕа баһылыга Игорь Владимирович Николаев, орто оскуола дириэктэрэ Андрей Васильевич Деллохов тыл эттилэр, экспертэргэ ситиһиилээх үлэни баҕардылар.

Манна суруйааччы төрөппүт кыыһа Саргылаана Бродникова, Саха норуодунай суруйааччыта Семен Андреевич Попов-Сэмэн Тумат, Арассыыйа, Саха сирин Суруйааччыларын сойууһун чилиэнэ, Чурапчы улууһун Бочуоттаах гражданина Павел Петрович Федоров — Сомоҕо, Арассыыйа, Саха сирин Суруйааччыларын сойууһун чилиэнэ Рустам Николаевич Каженкин, Саха Өрөспүүбүлүкэтин Суруйааччыларын сойууһун чилиэнэ Римма Иннокентьевна Корякина-Хотууна ыҥырыылаах ыалдьыт буолан кэллилэр уонна научно-практическай кэмпириэнсийэ экспертэринэн үлэлээтилэр. Ону таһынан, бу тэрээһиҥҥэ А.С.Бродников хаан аймаҕа, педагогическай наука кандидата, доцент Эдуард Павлович Федоров, Е.А.Борисов аатынан улуустааҕы архыып-бибилэтиэкэ бибилэтиэкэрэ Анна Петровна Капрынова, улуустааҕы оҕо бибилэтиэкэтин сэбиэдиссэйэ Елена Николаевна Дьячковская, Дьокуускай куорат 2-с нүөмэрдээх саха политехническай орто оскуолатын нуучча тылын уонна литературатын учуутала Нинель Анатольевна Александрова, улуустааҕы киин бухгалтерия бухгалтера Хаарчаана Константиновна Божедонова, Дьокуускай куорат 2-с нүөмэрдээх саха политехническай орто оскуолатын учуутала, хомусчут-импровизатор Мария Марковна Иванова, «Радость» Чурапчытааҕы Оҕо айар киинин  методистара Алина Ивановна Собакина уонна Александра Викторовна Игнатьева, Арассыыйа Худуоһунньуктарын сойууһун чилиэнэ Марианна Аркадьевна Ильина, Одьулуун орто оскуолатын учуутала Екатерина Дмитриевна Софронова, Төлөй орто оскуолатын учууталлара экспертэринэн үлэлээтилэр.

Бу улахан кэмпириэнсийэҕэ барыта 124 үөрэнээччи, 20 эксперт дьүүллүүр сүбэҕэ үлэлээн, кыттыыны ыллылар. Кэмпириэнсийэ алта хайысханан үлэлээтэ. Ол курдук: Байыаннай-патриотическай — Улуу Кыайыы 80 сылыгар аналлаах секция; Кыраайы үөрэтиигэ “Мин төрүччүм”, “Мин төрөөбүт дойдум” секция; Тыа хаһаайыстыбатын салаатын секцията; “Творческая палитра педагога”, “Воспитание семейных ценностей и традиций” секция; А.С.Бродников суруйбут хоһооннорунан литературнай-музыкальнай композиция туруоруута, хоһооннорун ааҕыы уонна А.С.Бродников айымньыларынан тастан уруһуй күрэҕин секциялара үлэлээтилэр. Бары кыттааччылар олус үчүгэйдик бэлэмнэммиттэр. Литературнай композициялары, дакылааттары көрүү-истии кэнниттэн экспертэр түмүк таһаардылар. Кылаан кыайыылаахтарга, уһулуччу ситиһиилээх оҕолорго суруйааччы төрөппүт кыыһа Саргылаана Бродникова үгэскэ кубулуйбут анал бириэмийэлэрин туттартаата. Итиэннэ бэйэтэ бэчээттэтэн оҥорторбут, аҕатын хоһоонноругар айыллыбыт ноталардаах ырыанньык кинигэтин бэлэхтээтэ. Бэйиэт, буойун-учуутал Алексей Бродников сиэн быраата Павел Петрович Федоров-Сомоҕо бу тэрээһин инникитин киэҥ кэскиллээҕин, үүнэ-сайда туруоҕун бэлиэтээтэ уонна Алексей Спиридонович Бродников аата үйэтитиллиитигэр тиһиктээхтик үлэлиир, кэмпириэнсийэҕэ үөрэнээччилэри хото кытыннарар Төлөй орто оскуолатын кэлэктиибигэр махтанна, “Ил Дархан из Боотур Уус” диэн нууччалыы тылынан тахсыбыт саҥа кинигэтин бэлэх уунна. Саха норуодунай суруйааччыта Сэмэн Тумат урукку өттүгэр бу тэрээһиҥҥэ элбэх суруйааччы кэлэн кыттыыны ылбытын туһунан ахтан аһарда. Ол курдук, Н.Е.Винокуров-Урсун, В.Н.Луковцев-Дьурустаан, Сэмэн Тумат бэйэтэ куруутун көх-нэм буоларбыт диэн кэпсээтэ. “Бродниковскай ааҕыылары” дьон-сэргэ биһирээбитин, ыччат дьон үүнэр-сайдар, эйгэлэрэ кэҥиир доҕордоһуу түһүлгэтэ буолбутун бэлиэтээн эттэ, саҥа тахсыбыт кинигэтин бэлэхтээтэ. Рустам Николаевич Каженкин-Арчы Уола, саха тылын уонна литературатын учуутала, Арассыыйа Суруйааччыларын уонна  Суруналыыстарын сойууһун чилиэнэ эксперт быһыытынан  кыттыыны ылла. Кини “Бродников ааҕыылара” НПК-ҕа көхтөөхтүк кыттыбыт бары үөрэнээччилэргэ махтанна, саҥа тахсыбыт кинигэлэрин нэһилиэк, оскуола бибилэтиэкэлэригэр бэлэх уунна. “Чурапчы” айар-суруйар түмсүүтүн салайааччыта Римма Корякина-Хотууна  уус-уран ааҕыы бөлөҕөр ситиһиилээхтик кыттыбыт оҕолорго кыайыылаах Туоһу суруктарын туттарда уонна бэйэтин саҥа кинигэлэрин оскуола бибилэтиэкэтигэр, оҕолорго бэлэхтээтэ.

         Секцияларынан кыайыылаах, ситиһиилээх оҕолор

Улуу Кыайыы 80 сылыгар аналлаах Байыаннай-патриотическай секцияҕа:

Сотников Дамир, И.М.Павлов аатынан Чурапчытааҕы орто оскуола 8-с кылааһын үөрэнээччитэ, 1 ст. дипломунан наҕараадаланна. Салайааччы Попов Д.И.

Постникова Милена, И.Е.Федосеев-Доосо аатынан Дириҥ агрооскуолатын 6-с кылааһын үөрэнээччитэ, 2 ст. дипломунан наҕараадаланна. Салайааччы Осипова Л.А.

Захаров Олег, Төлөй орто оскуолатын 9-с кылааһын үөрэнээччитэ, 2 ст. дипломунан наҕараадаланна. Салайааччы Захарова Е.Д.

Сивцева Сайыына, Сылаҥ орто оскуолатын 5-с кылааһын үөрэнээччитэ, 3 ст. дипломунан наҕараадаланна. Салайааччы Сивцева Н.П.

Струкина Айыллаана, Г.Д.Протодьяконов аатынан Алаҕар орто оскуолатын 8-с кылааһын үөрэнээччитэ, 3 ст. дипломунан наҕараадаланна. Салайааччы Максимова В.Г.

“Мин төрүччүм”, “Мин төрөөбүт дойдум” кыраайы үөрэтии секциятыгар:

Егоров Коля, Н.Д. Субуруускай аатынан Болтоҥо орто оскуолатын 9-с кылааһын үөрэнээччитэ, 1 ст. дипломунан бэлиэтэннэ. Салайааччы Павлова Д.А.

Токпокова Сандаара, Төлөй орто оскуолатын 8-с кылааһын үөрэнээччитэ, 2 ст. дипломунан бэлиэтэннэ. Салайааччы Захарова Е.Д.

Дьяконов Миша, И.М.Павлов аатынан Чурапчытааҕы орто оскуола 8-с кылааһын үөрэнээччитэ, 2 ст. дипломунан бэлиэтэннэ. Салайааччы Матвеева П.А.

Суздалов Эрсан, В.С.Яковлев-Далан аатынан Кытаанах орто оскуолатын 7-с кылааһын үөрэнээччитэ, 3 ст. дипломунан бэлиэтэннэ. Салайааччы Кардашевский А.Д.

Ефимова Айта, Одьулуун орто оскуолатын 10-с кылааһын үөрэнээччитэ, 3 ст. дипломунан бэлиэтэннэ. Салайааччы Заболоцкая Т.П.

Тыа хаһаайыстыбатын секциятыгар:

Карпова Күннэй, Одьулуун орто оскуолатын 6-с кылааһын үөрэнээччитэ, 1 ст. дипломунан наҕараадаланна. Салайааччы Софронова Е.Д.

Халгаев Алгыс, Одьулуун орто оскуолатын 10-с кылааһын үөрэнээччитэ, 1 ст. дипломунан наҕараадаланна. Салайааччылар Софронова Е.Д., Андросова В.Г.

Александрова Сандаара, Дьокуускайдааҕы 2-с нүөмэрдээх политехническай орто оскуола 4-с кылааһын үөрэнээччитэ, 2 ст. дипломунан бэлиэтэннэ. Салайааччы Зыкова М.Н.

Дьячковская Аделина, Төлөй орто оскуолатын 4-с кылааһын үөрэнээччитэ, 2 ст. дипломунан бэлиэтэннэ. Салайааччы Диодорова Т.П.

Рожина Настасия, Төлөй орто оскуолатын 10-с кылааһын үөрэнээччитэ, 2 ст. дипломунан бэлиэтэннэ. Салайааччы Дьячковская З.Д.

Ксенофонтов Эрчим, Төлөй орто оскуолатын 11-с кылааһын үөрэнээччитэ, 2 ст. дипломунан бэлиэтэннэ. Салайааччы Васильева М.Д.

Неустроева Луиза, Г.П.Башарин аатынан Сылаҥ орто оскуолатын 10-с кылааһын үөрэнээччитэ, 3 ст. дипломунан бэлиэтэннэ. Салайааччы Монастырева А.Д.

Колодезников Айаан, Одьулуун орто оскуолатын 8-с кылааһын үөрэнээччитэ, 3 ст. дипломунан бэлиэтэннэ. Салайааччы Халгаева Л.А.

Седалищев Лев, Одьулуун орто оскуолатын 8-с кылааһын үөрэнээччитэ, 3 ст. дипломунан бэлиэтэннэ. Салайааччы Бекянов Р.И.

Луковцева Алеся, Төлөй орто оскуолатын 6-с кылааһын үөрэнээччитэ, 3 ст. дипломунан бэлиэтэннэ. Салайааччы Луковцева А.Д.

Луковцев Айсен, Төлөй орто оскуолатын 7-с кылааһын үөрэнээччитэ, 3 ст. дипломунан бэлиэтэннэ. Салайааччы Луковцева А.Д.

Сивцева Сайыына, Сылаҥ орто оскуолатын 5-с кылааһын үөрэнээччитэ, 3 ст. дипломунан бэлиэтэннэ. Салайааччы Сивцева Н.П.

Сивцева Таня, Г.Д.Протодьяконов аатынан Алаҕар орто оскуолатын 6-с кылааһын үөрэнээччитэ, “Эдэр чинчийээччи” анал аатынан бэлиэтэннэ. Салайааччы Оконешникова П.П.

Николаев Айтал, Одьулуун орто оскуолатын 5-с кылааһын үөрэнээччитэ, “Эдэр чинчийээччи” анал аатынан бэлиэтэннэ. Салайааччы Софронова Е.Д.

Карпов Дамир, Одьулуун орто оскуолатын 6-с кылааһын үөрэнээччитэ, “Эдэр чинчийээччи” анал аатынан бэлиэтэннэ. Салайааччылар Андросова В.Г., Пинигина В.Е.

Уруһуйга тастан күрэс кыттыылаахтара:

Ксенофонтова Сандаара, Дьокуускайдааҕы 2-с нүөмэрдээх политехническай орто оскуола 7-с кылааһын үөрэнээччитэ, Кылаан кыайыылааҕынан буолла.

Дьячковская Аделина, Төлөй орто оскуолатын 4-с кылааһын үөрэнээччитэ, 1 ст. дипломунан бэлиэтэннэ.

Тарнуева Анастасия, И.М.Павлов аатынан Чурапчытааҕы орто оскуола 7-с кылааһын үөрэнээччитэ,1 ст. дипломунан бэлиэтэннэ.

Нестерева Айаана, Төлөйдөөҕү орто оскуола 10-с кылааһын үөрэнээччитэ, 1 ст. дипломунан бэлиэтэннэ.

Рожин Марк, Дьокуускай куораттааҕы 2-с нүөмэрдээх политехническай орто оскуола 4-с кылааһын үөрэнээччитэ, 2 ст. дипломунан бэлиэтэннэ.

Александрова Сандаара, Дьокуускайдааҕы 2-с нүөмэрдээх политехническай орто оскуола 4-с кылааһын үөрэнээччитэ, 2 ст. дипломунан бэлиэтэннэ.

Макарова Дайаана, И.М.Павлов аатынан Чурапчытааҕы орто оскуола 7-с кылааһын үөрэнээччитэ, 2 ст. дипломунан бэлиэтэннэ.

Торговкина Сайыына, Дьокуускайдааҕы 2-с нүөмэрдээх политехническай орто оскуола 7-с кылааһын үөрэнээччитэ, 2 ст. дипломунан бэлиэтэннэ.

Васильева Диана, Р.И.Константинов аатынан Амматааҕы орто оскуола 10-с кылааһын үөрэнээччитэ, 2 ст. дипломунан бэлиэтэннэ.

Чириков Андрей, Төлөй орто оскуолатын 3-с кылааһын үөрэнээччитэ, 3 ст. дипломунан бэлиэтэннэ.

Сотников Радик, И.М.Павлов аатынан Чурапчытааҕы орто оскуола 2-с кылааһын үөрэнээччитэ, 3 ст. дипломунан бэлиэтэннэ.

Аржакова Луиза, Төлөй орто оскуолатын 2-с кылааһын үөрэнээччитэ, 3 ст. дипломунан бэлиэтэннэ.

Крюкова Иванна, Төлөй орто оскуолатын 5-с кылааһын үөрэнээччитэ, 3 ст. дипломунан бэлиэтэннэ.Попова Карина, Одьулуун орто оскуолатын 5-с кылааһын үөрэнээччитэ, 3 ст. дипломунан бэлиэтэннэ.

Борисова Мичилиинэ, Төлөй орто оскуолатын 9-с кылааһын үөрэнээччитэ, 3 ст. дипломунан бэлиэтэннэ.

“Творческая палитра педагога” секцияҕа:

Абрамова Варвара Николаевна, Попова Елена Егоровна, Төлөй орто оскуолатын педагогтара. 1 ст диплом.

Ксенофонтова Чэмэлиинэ Михайловна, Сивцева Мария Анатольевна, Төлөй орто оскуолатын педагогтара. 2 ст. диплом.

Ильина Марианна Аркадьевна, Дьокуускайдааҕы 2-с нүөмэрдээх политехническай орто оскуола педагога. 3 ст диплом.

ХХХ

Мин “Уус-уран ааҕыы” секциятыгар үлэлээтим, онно барыта 27 оҕо кыттыыны ылла. Смирников Витя, Төлөй орто оскуолатын 8-с кылааһын үөрэнээччитэ, Саргылаана Алексеевна анал бирииһин тутта. Кини 1 ст. дипломунан наҕараадаланна. Оттон лауреат үрдүк аатын Одьулуун орто оскуолатын 5-6 кылааһын үөрэнээччилэрэ ыллылар. Кинилэр “Халлаан уот сулуһа бар дьоммут сүрэҕэр умайар” диэн литературнай композициянан кытыннылар. Салайааччы педагог Татьяна Петровна Заболоцкая. Бастакы дипломант үрдүк аатын ыллылар Төлөй орто оскуолатын үөрэнээччилэрэ. Кинилэр “Хорсун саллаат, снайпер, хайыһардьыт аатыгар сүгүрүйүү” композициянан кыттан, кыайыылаах таҕыстылар. Салайааччы педагогтар Елена Егоровна Попова, Варвара Николаевна Абрамова. Иккис дипломант үрдүк аатын Хадаар орто оскуолатын үөрэнээччилэрэ ыллылар. Салайааччы педагогтар Галина Николаевна Бандерова, Наталья Дмитрьевна Лукина. Үһүс дипломант үрдүк аатын И.Е.Федосеев-Доосо аатынан Дириҥнээҕи агро-оскуола үөрэнээччилэрэ ыллылар. Салайааччы педагог Людмила Андреевна Осипова. Күн устата А.С.Бродников айымньыларынан уруһуй быыстапката турда.

Биһиги киэн туттар суруйааччыбыт, Аҕа дойду Улуу сэриитин бэтэрээнэ, бэйиэт, прозаик, буойун-учуутал Алексей Спиридонович Бродников эйэлээх олоҕу туойбута. Дьонун-сэргэтин сүрэҕэр кини айымньылара үйэ-саас тухары умнуллубат өйдөбүл буолан, көлүөнэттэн көлүөнэҕэ бэриллэ туруохтара.

Римма Корякина-ХОТУУНА,

СӨ Суруйааччыларын сойууһун чилиэнэ,

СӨ култууратын туйгуна,

“Чурапчы” айар-суруйар түмсүү

салайааччыта.

Хаартыскалары ааптар уонна С.А.Бродникова тиксэрдилэр.