Хаартыска: Ил Дархан, бырабыыталыстыба дьаһалтатын пресс-сулууспата.
Саха сиригэр Ил Дархан Айсен Николаев көҕүлээһининэн, Өрөспүүбүлүкэтээҕи ийэ хапытаалын суумата икки төгүл үрдээн, 300 тыһыынча солкуобайга тэҥнэстэ. Тустаах сокуону сэтинньи 29 күнүгэр Ил Түмэн пленарнай мунньаҕар ылыннылар.
Өрөспүүбүлүкэтээҕи Ийэ хапытаалын суумата билигин 151 690 солкуобайга тэҥнэһэр. 2024 сыл тохсунньутуттан үһүс уонна онтон кэлэр оҕолоро төрөөбүт дьиэ кэргэттэр икки төгүл үрдээбит кээмэйинэн ылан барыахтара.
Бүгүҥҥү күҥҥэ өрөспүүбүлүкэҕэ 30-34 уонна 35-39 саастаах дьахталлар ахсааннара 5,7%-нан уонна 19 %-нан элбээтэ. Ийэлэр бу саастарыгар үһүс уонна онтон кэлэр оҕолорун төрүүллэр.
Ил Түмэн үлэҕэ, социальнай эйгэҕэ, дьарыктаах буолууга сис кэмитиэтин бэрэссэдээтэлэ Алена Атласова бу туһунан санаатын үллэһиннэ:
— Бүгүн норуот дьокутааттара Ил Дархан сокуоҥҥа киллэрбит уларытыытын 100 бырыһыан өйөөтүлэр. Билигин дьиэ кэргэттэр судаарыстыбаттан улахан көмөнү, өйөбүлү ылаллар. Бу көҕүлээһин бэрэсидьиэн Владимир Путин 2024 сылы Дьиэ кэргэн сылынан биллэрэ да илигинэ, бу ааспыт сайын өрөспүүбүлүкэтээҕи «Сыл бастыҥ дьиэ кэргэнэ» куонкурус кэмигэр этиллибитэ. Ил Дархан бу сорудаҕа толоруллан, 400-тэн тахса мөлүйүөн солкуобайдаах үбүлээһин көстөн, олоххо киирдэ.
Үһүс уонна онтон кэлэр оҕотун төрөппүт ыаллар Өрөспүүбүлүкэтээҕи ийэ хапытаалын ылар бырааптаахтар. Өскөтүн дьиэ кэргэн бу хапытаалын сэртипикээтин урут ылан баран, өссө туһана илик буоллаҕына, суумата эмиэ икки төгүл улаатар. Мин санаабар, бу үһүс, төрдүс оҕолорун былаанныыр дьиэ кэргэттэргэ дьоһун көмө. Маны тэҥэ, хапытаалы туһаныы кэҥээтэ — дьиэ туттар сыаллаах сир учаастагын ылыыга эмиэ туһаныахха сөп буолла.
Тоһоҕолоон бэлиэтиэхпин баҕарабын — Өрсөпүүбүлүкэтээҕи ийэ хапытаала кэҥииригэр, үрдүүрүгэр норуот дьокутааттара эмиэ үлэлээбиппит. Ол курдук 6 ыҥырыылаах дьокутааттар Ийэ хапытаала индексацияланарын ситиспиппит. Бу кэнниттэн сыл аайы индексацияланыахтаах диэн туруорсабыт.
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.