Өрөспүүбүлүкэтээҕи «Көс ыал» номинация күөн-күрэһигэр аҕыс ыал кыттыыны ылла

Өрөспүүбүлүкэ табаһыттарын IV сийиэһин кэмигэр «Сыл дьиэ кэргэнэ» куонкурус чэрчитинэн ыытыллыбыт «Көс ыал-2025» («Кочевая семья») номинация күөн-күрэһигэр өрөспүүбүкэ аҕыс хоту улууһуттан   кыттыыны ыллылар.

Муома улууһун олохтоохторо Николай уонна Юлия Громовтар 1-кы миэстэни ылан, 300 тыһыынча сокуобайынан уонна эрэһиинэ тыынан наҕараадаланнылар.

Анаабыр улууһун долган-эбэҥки национальнай улууһун олохтоохторо Иннокентий Спиридонов уонна Евдокия Туприна  2-с миэстэни ыллылар. Кинилэр 200 тыһыынча солкуобайынан уонна термоконтейнерынан  наҕараадаланнылар.

3-с миэстэҕэ Нерюнгри оройуонун олохтоохторо Алексей уонна Любовь Кулбардиновтар  тигистилэр. Кинилэр 100 тыһыынча солкуобайынан уонна «Пошехонка» оһоҕунан  наҕараадаланнылар.

Куонкуруска кыттыбыт дьиэ кэргэннэр араас номинацияларга тигистилэр:

Өлөөн эбэҥки национальнай улууһун олохтоохторо Егор Иванов уонна Майя Алексеева дьиэ кэргэннэрэ «Төрүт аҕа ууһун династията» номинацияҕа кыайан, морозильнай ларь ыллылар.

Булуҥ улууһун олохтоохторо Иван уонна Матрена Дьячковскайдар «Дьиэ  кэргэн фольклора» номинацияҕа бэлиэтэнэн,  «Штиль» бензопила ыллылар.

Эбээн Бытантай национальнай улууһуттан  Алексей уонна Туяна Сыроватскайдар «Спортивная семья» номинацияҕа кыайан, фарфор эбиэттиир сервиһинэн наҕараадаланннылар.

Томто улууһуттан сылдьар Иван уонна Надежда Семеновтар «Айар дьиэ кэргэн» номинацияҕа  тиксэн, “СКАТ” генератор ыллылар.

«Дьиэ кэргэн сыаннаһа» анал номинация бирииһэ Кэбээйи Сэбээн Күөлүттэн сылдьар Григорий уонна Анастасия Кривошапкиннар “СКАТ” инвенторнай генераторынан наҕараадаланнылар.