Хаартыска -- Бырабыыталыстыба пресс-сулууспата.
Өрөспүүбүлүкэтээҕи мэдиссиинэ реабилитациятын киинигэр уонна спортивнай мэдиссиинэ реабилитациатын кууруска 299 байыаннай сулууспалаах уонна 192 кинилэр дьиэ кэргэттэрэ эмтэниини аастылар.
Бу туһунан СӨ Доруобуйа харыстабылын министиэристибэтэ иһитиннэрдэ. Биэдэмистибэҕэ иһитиннэрбиттэринэн, кииҥҥэ реабилитацияны атахтарын протезтааһын кэнниттэн ааһаллар.
«Маннык ыарыһахтарга аныгы анал ньыманан тус мэдиссиинэ реабилитацията ыытыллар. Сүрүн сорук — урукку хаамар кыахтарын төннөрүү. Бырагыраамаҕа массаж, физиотерапия, механотерапия уонна хамсаныыга туһуламмыт эмтиир физкултуура киирэр. Бу ньыма киһиэхэ хамсанар кыаҕы биэрэр, моторикатын, хаанын эргиирин тупсарар, иҥиирин бөҕөргөтөр, этин-хаанын протезтаах сылдьарга үөрэтэр», – диэн бэлиэтиир Өрөспүүбүлүкэтээҕи медицинскэй реабилитация уонна спортивнай мэдиссиинэ киинин салайааччыта Кюнна Назарова.
Маны таһынан, ыарыһахтары кытта психологтар үлэлииллэр. Байыаннай сулууспалаахтар реабилитацияны суукканы эргиччи балыыһаҕа да, күнүскү стационарга эмтэниэхтэрин сөп. Бу маннык өйөбүл ыарыһахтар физическэй да, психологическай да доруобуйаларын бөҕөргөтөллөрүгэр, социальнай адаптацияны ааһалларыгар, актыыбынай олоххо төннөллөрүгэр туһалаах. Өрөспүүбүлүкэтээҕи мэдиссиинискэй реабилитация уонна успуорка мэдиссиинэ киинэ доруобуйаны чөлүгэр түһэрэр аныгы тэриллэринэн хааччыллыбыт. Эмтэнии хаамыытыгар физиотерапевтар, травматолог-ортопедтар, неврологтар, мэдиссиинэ психологтара уонна реабилитационнай мэдиссиинэ быраастара элбэх хайысхалаах исписэлиистэр хамаандалара үлэлиир.
Байыаннай дьайыы кыттыылаахтарын уонна кинилэр дьиэ кэргэттэрин реабилитацияҕа ыытыы «Медведь» информационнай тиһик нөҥүө оҥоһуллар.
Өрөспүүбүлүкэтээҕи мэдиссиинэ реабилитациятын уонна успуорт мэдиссиинэтин киинигэр Ил Дархан Айсен Николаев дьаһалын олоххо киллэрии чэрчитинэн, анал байыаннай эпэрээссийэҕэ кыттыылаахтары чөлүгэр түһэрэр 15 куойка аһылынна. Онтон 10-на — Дьокуускайга мэдиссиинэ реабилитациялааһынын отделениетыгар , 5-һэ — Аллараа Бэстээххэ Абалаах отлениетыгар бааллар
Байыаннай дьайыы кыттыылаахтарын уонна кинилэр дьиэ кэргэттэрин доруобуйаларын чөлүгэр түһэриигэ комплекснай өйөбүл “Уһун уонна көхтөөх олох” саҥа национальнай бырайыак соруктарынан быһаарыллар.
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…