Мария Васильева хаартыската, ЯСИА
Үгэскэ кубулуйбут өрөспүүбүлүкэ үөрэҕин үлэһиттэрин атырдьах ыйынааҕы мунньаҕа бу ый 19-23 күннэригэр ыытыллыаҕа. Ити туһунан Үөрэх уонна билим министиэристибэтин саайтыгар суруйаллар.
Пуорумҥа педагогтар, үөрэх тэрилтэлэрин салайааччылара, төрөппүттэр уонна уопсастыбаннай тэрилтэлэр бэрэстэбиитэллэрэ санаа атастаһаллара былааннанар.
Кыттааччылар үөрэх хаамыытыгар туһанар бэйэлэрин үлэлэрин, уопуттарын, өйүктэрин (идея) үллэстиэхтэрэ. Федеральнай ыалдьыттар уонна эспиэртэр кэлэллэрэ күүтүллэр.
Быйылгы үөрэх үлэһиттэрин атырдьах ыйынааҕы мунньаҕа үөрэх бары салааларын хабан, биэс суолталаах хайысханан барыаҕа: “Үөрэх суолталаах боппуруостара”, “Үөрэх уонна дьиэ кэргэн”, “Үөрэх уонна технология”, “Үөрэх уонна оҥорон таһаарыы”, “Үөрэх уонна билим”.
Мунньах мэтэдиичэскэй сэминээр, “төгүрүк остуол”, панельнай сиэссийэ, кэпсэтэр былаһаакка, маастар-кылаас көрүҥүнэн барыаҕа. Пуорум биир сүрүн тэрээһининэн атырдьах ыйын 21 күнүгэр Ил Дархан А.С.Николаев кыттыылаах улахан мунньах буолар. Үгэс быһыытынан педагогическай вакансия дьаарбаҥката ыытыллыаҕа.
Үөрэх үлэһиттэрин быйылгы атырдьах ыйынааҕы мунньаҕын бырагырааматын сиһилии бу сигэнэн киирэн ааҕыаххытын сөп: https://minobrnauki.sakha.gov.ru/news/10050
«Олох инфраструктурата» нацбырайыак олоххо киириитинэн, 2025 сылга Саха сиригэр эрэгийиэннээҕи уонна нэһилиэктэр икки ардыларынааҕы суолларга…
Алдан куорат олохтооҕо интэриниэт ситимигэр экстремистскэй дьайыыны оҥорорго анаан-минээн ыҥырыылары таһаарбытын уонна тарҕаппытын иһин сууттанна.…
Чэппиэргэ, тохсунньу 22 күнүгэр, Дьокуускайга 48 VolgaBus мааркалаах оптуобуһу аҕаллылар. СӨ Ил Дархана Айсен Николаев…
СӨ Ил Дархана Айсен Николаев Амма улууһугар оробуочай сырыытын кэмигэр мас-рестлинг спортивнай саалатыгар сылдьан, бу…
Тохсунньу 22 күнүгэр Дьокуускай куоракка Үөһээ Бүлүүгэ ураты суолталаах бэлиэ түгэн үүннэ — Үөһээ Бүлүү…
Борис Федорович Неустроев-Мандар Уус 80 сааһын туолбутунан, АЛРОСА хампаанньа Накыын руднигыттан хостоммут 51,39 карааттаах бөдөҥ…