Эргэ гаас билиитэтин туһанааччылар ыстарааптаналлар

Гаас билиитэтин болдьоҕо бүппүтүн үрдүнэн, салгыы туһанааччыларга ыстараап көрүллүөн сөп. Ортотунан гаас билиитэтэ 14 сыл сулууспалыыр, ол кэннэ туһатыттан ааһар.

Ол гынан баран, араас моделларынан болдьоҕо атын буолуон сөп. Онон чопчу оҥоһук хаһан оҥоһуллубутун уонна болдьоҕо түмүктэнэрин туһунан иһитиннэриини тэхиниичэскэй пааспарыгар көрүҥ.

Эксплуатациятын болдьоҕо түмүктэннэҕинэ, билиитэни уларытыахха эбэтэр диагностикалыырга туһааннаах гаас үлэһиттэрин ыҥырыахха наада. Бэрэбиэркэ түмүгүнэн исписэлиистэр сөптөөх түмүк суруйан биэриэхтэрэ — билиитэни туһаныыга эбии болдьоҕун уһатыахтарын сөп. Эбэтэр эргэ билиитэ туһатыттан ааһан, саҥаны атыылаһыахха наада буолуоҕа.

Оттон өскөтүн эһиги ааспыт болдьохтоох, наадалаах көҥүлэ суох билиитэни салгыы туһанар буоллаххытына ыстараап көрүллэр. Физическэй сирэйдэргэ — 5 тыһ. солкуобайтан 10 тыһ. солк. диэри, хатыланнаҕына — 15 тыһ. солкуобайтан 25 тыһ. солк. диэри.