Хаартыска: А.Васильева
Учууталлар атырдьах ыйынааҕы мунньахтарын чэрчитинэн, Арктикатааҕы научнай-чинчийэр киин Дьокуускай куорат устуоруйатын интэриэһиргиир дьоҥҥо, оҕолорго Эргэ куоракка экскурсияны босхо тэрийдэ.
Экскурсияны Арктикатааҕы научнай-чинчийэр киин научнай үлэһитэ, историческай билим хандьыдаата, С.А. Федосеева аатынан Арктикатааҕы археология түмэлин салайааччы Николай Кирьянов илдьэ сырытта. Хаамарын тухары кэпсии-ипсии сылдьар буолан, истээччилэр олус элбэҕи биллилэр. Чахчы, куорат устуоруйатын интэриэһиргиир дьон мустубут буолан, ыйытыылара да интэриэһинэйдэр. Бэл диэтэр, оҕолор эмиэ бэлэмнээхтэрин көрдөрдүлэр.
Бастаан Дыгын башнятыгар киллэрдилэр. Манна дьоҕус т;мэл курдук тэриллибит, кыраайы үөрэтээччи Николай Дьяконов көрүстэ, элбэҕи кэпсээтэ. Башня саамай үрдүгэр тахсарга кыараҕас, туруору кирилиэһинэн үһүс этээскэ тахсаҕын. Үөһэттэн олус кэрэ көстүү арыллар.
Салгыы саҥа тэриллибит Дьокуускай куорат түмэлигэр сырытыннардылар. Түмэл дьоҕус да буоллар, интэриэһинэй экспонаттар хараллан сыталлар. Холобур, Дириҥ Үрэххэ 4 тыһыынча сыллааҕы киһи уҥуоҕуттан төп-төгүрүк нефритовай киэргэли булбуттар. Бу киэргэли оччотооҕуга кытайдар эрэ оҥорор кыахтаахтара. Онон оччолортон Саха сиригэр дьон олорбут уонна Кытайы кытта эргиэн баар эбит диэн биллибит.
Ону тэҥэ, Чернышевскай уулуссатыгар көтүрүллүбүт баанньык турбут сиригэр археологическай хаһыы буола турарыгар илтилэр. Манна 17-18-19 үйэлэргэ тутуллубут дьиэлэр оннулара, оччотооҕу дьон туттубут маллара бааллар. Бэл диэтэр, сиэбит уҥуохтарын булан, биир сиргэ өрөһөлөөбүттэр. Иһит-хомуос үлтүркэйдэрин, туттар маллары булбуттар. Сэдэх булумньуну — ытыс саҕа улахан, 18-с үйэтээҕи кэтириинискэй манньыаты булбуттар.
Бу курдук сүрдээх интэриэһинэй экскурсия ааста. Арктикатааҕы научнай-чинчийэр киин үлэһиттэрэ маннык экскурсиялары, баҕалаах дьон баар буоллахтарына, өссө оҥоруохтарын сөбүн туһунан иһитиннэрдилэр.
Ааптар түһэриилэрэ.
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…