Хаартыска: PxHere
Саха сиригэр Wildberries маркетплейс былааннарын туһунан өрөспүүбүлүкэ экэниэмикэҕэ миниистирин солбуйааччы Анна Кокорина кэпсээтэ.
“Сүрүн инвестбырайыак – ыскылааттаах логистика киинэ. Өлүөнэ муостатын тутуута ыытыллар сиригэр — Эргэ Табаҕа учаастагын көрөбүт. Бу бырайыак саҥа үлэ миэстэтин таһаарыаҕа, ону тэҥэ логистика ороскуотун аччатыаҕа”, — диэтэ Анна Кокорина.
Миниистири солбуйааччы этэринэн, өрөспүүбүлүкэ Wildberries & Rus бииргэ үлэлэһиитэ ыскылаат комплексын тутуунан эрэ бүппэт. Хампаанньа АСИ-ны кытта таһаарбыт “Платформа роста” акселерационнай бырайыагар кыттыһыаҕа. Ону тэҥэ Wildberries маркетплейсыгар “Сделано в Якутии” салааны тэрийэр туһунан сөбүлэстилэр.
Анна Кокорина этэринэн, Илиҥҥи экэниэмикэ пуорумугар “норуот облигациятын” эмиссиятын боппуруоһун дьүүллэспиттэр.
“Быйыл Дьокуускай куорат дьаһалтата өрөспүүбүлүкэ киин куоратын көҕөрдүүгэ 30 мөл. солк. “норуот” облигациятын таһаарыаҕа. Онон 2 тыһыынчатан тахса маһы олордуохтара”. – диэтэ кини.
ВЭФ-2025 түмүктэригэр тохтууругар миниистири солбуйааччы пуорумҥа Арассыыйа Бэрэсидьиэнэ Владимир Путин Уһук Илин ФУо ортотугар кэнники уон сылга Саха сирэ сүрүн хапытаалга 4,5 трлн солкуобайынан инвестицияҕа лиидэр буолбутун бэлиэтээбитин чопчулаата.
Ону тэҥэ дойду Бэрэсидьиэнэ Саха сиригэр аан дойду таһымнаах Межвузовскай кампус тэриллэрин иһитиннэрбит.
2027 сыл тохсунньу 1 күнүттэн Уһук Илин уонна Арктика сиригэр-уотугар биисинэскэ биир кэлим “Супер ТОР” үлэлиэҕэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата иһитиннэрэр.
Сиһилии: https://www.sakha.gov.ru/news/11607
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…