Мэҥэ Хаҥалас Сыымаҕар 2021 сыллаахха саха сүөһүтүн иитэр тохсус салаа аһыллыбыта. Амматтан уонна Өймөкөөнтөн саха сүөһүлэрин тиэйэн аҕалан, 100 миэстэлээх хотон тутуллан Өргөннөөх учаастак биирдэ сэргэхсийэ түспүтэ.
Өргөннөөх Сыымах бөһүөлэгиттэн 30 км ыраах сытар. Уруккута бөһүөлэк буолан дьон-сэргэ олохсуйбут сирэ, 1954 сыллаахха холкуостары бөдөҥсүтүү саҕана эстибитэ.
Санатан суруйдахха, «Саха сүөһүтэ» генофонда хааһына тэрилтэтэ өбүгэлэрбититтэн хаалбыт төрүт сүөһүбүтүн ыраастык, атын боруоданы кытта булкуһуннарбакка иитэр, көрөр-истэр сыаллаах. Ол иһин салаалар, сайылыктар бөһүөлэктэн тэйиччи тураллар.
Василий Петрович Жирков биригэдьиирдээх Өргөннөөх салаатыгар күн бүгүн 112 төбө сүөһү баар, ол иһиттэн ыанар ынаҕа – 24. Филипп Петрович Соловьев, Александр Петрович Соловьев уонна Роман Георгиевич Шарин бэрт үчүгэйдик үлэлии-хамсыы сылдьаллар. Үүттэрин сүүрдэн, сүөгэйдээн арыы оҥороллор. Туталлара-хапталлара бэрт ыраас.
«Саха сүөһүлэрэ көрөргө судургулар. Киһи кинилэргэ ылларар, тардыһар. Энергетикалара атын эбит. Улаханнык ыарыыга бэриммэттэр, тулуурдаахтар. Бу дьон-сэргэ урут олохсуйа сылдьыбыт үтүө сиригэр олох баарын биллэрэн, саха сүөһүлэрэ алааска мэччийэ сылдьалларын көрөр үчүгэйин. Уоппут киирэрэ буоллар, өссө үчүгэй буолуо этэ», — диэн бэтэринээр Филипп Соловьев санаатын үллэстэр.
Үлэһиттэргэ олорор дьиэ тутуллан усулуобуйа тэриллэр, ый аайы хамнастара кэмигэр түһэр. Ханна да ыарахаттар бааллар буоллаҕа, ону барытын биирдэ саба тутар кыаллыбат. Өргөннөөххө 90-с сылларга быстыбыт уот лииньийэтин киллэттэрэргэ үгүс үлэ бара турар. Бу саас лииньийэ үс гыммыттан биирэ тардыллыбыта.
Бу күннэргэ «Саха сүөһүтэ» тэрилтэ үлэһиттэрэ — технолог Александра Жиркова, зоотехник Очир Мухленов уонна бухгалтер Лена Иванова Өргөннөөххө бара сырыттылар. Кинилэр зоотехническэй үлэлэри, инвентаризацияны ыыттылар. Мантан күһүн тамыйахтар хааччахтарын күрүөтэ-хаһаата оҥоһуллара былааннанар.
Өргөннөөххө быйыл салаа үлэһиттэриттэн ураты аҕыс ыал тахсан сайылаан олорор. Дьон оттуур-мастыыр, сир астыыр. Онон уот кыымнаах, өтөх төнүргэстээх диэн СӨ Тыа хаһаайыстыбатыгар министиэристибэтин пресс-сулууспата иһитиннэрэр.
Хотугу Муустаах муора кытыла барыта хаарбах тимиринэн, уматык буочукаларынан, быраҕыллыбыт бөҕүнэн туола сытар диэн Арктика…
Халыма-Индигиир биир мандааттаах быыбардыыр уокурукка норуодунай дьокутаат быыбарыгар билиҥҥитэ 9,35% быыбардааччы кытынна. Аллайыаха, Аллараа Халыма,…
М.К.Аммосов аатынан Хотугулуу-Илиҥҥи федеральнай университекка үөрэххэ туттарсыы сүрүн хампаанньата бүттэ. Ааспыт нэдиэлэтээҕи туругунан, барыта 5000-тан…
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…