Арктика улуустарыгар эргиэн-логистика кииннэрэ нэһилиэнньэни аһынан-үөлүнэн хааччыйыыны уонна хаачыстыбалаахтык харайыы усулуобуйатын тэрийэллэр.
Саамай сүрүнэ — эргиэн-логистика кииннэрэ ас-үөл сыанатын туталлар. Ол курдук, 2023 сылга саахар, гречкэ куруппатын сыаналара 2022 сыллааҕынан тураллар.
Биирдиилээн бытархай атыыга «Якутоптторг» АУО сыаната 2023 сыл түмүгэр кэммиэрчэскэй тэрилтэлэртэн сыаналара намыһаҕа бэлиэтэнэр. Бурдукка — 13,3%-тан 71,1%-ҥа диэри, саахарга 17%-тан 45,4%-ҥа диэри, ириис куруппатыгар 14,2%-тан 45,1%-ҥа диэри, тууска 47%-тан 78,8%-ҥа диэри, мас арыытыгар 7,5%-тан 41,3%-ҥа диэри.
Өрөспүүбүлүкэҕэ билигин аҕыс эргиэн-логистика киинэ үлэлиир. Бу сылга Муомаҕа уонна Дьааҥыга икки киин арыллара былааннанар. Салгыы 2025 сылга Өлөөҥҥө, Эбээн Бытантайга уонна Аллайыахаҕа былааннаналлар. Тутуу матырыйаалларын кыһыҥҥы суолунан быйыл ыытыахтара.
Билиҥҥи туругунан «Якутоптторг» АУо кыһыҥҥы суолунан таһаҕаһы тиэйии үлэтэ былаанынан барар. Бу суолунан 5 766 туонна аһы-үөлү ыраах уонна уустук суоллаах-иистээх нэһилиэнньэлээх пууннарга тиэрдэри былаанныыллар.
Арктика сирин-уотун сайыннарыы дойду уонна өрөспүүбүлүкэ салалтатыгар инники күөҥҥэ тутуллар. Тиэрдиллибит аһы-үөлү хаачыстыбалаахтык харайар уонна ас-үөл арааһын элбэтэр туһуттан, Ил Дархан Айсен Николаев сорудаҕынан 2025 сылга диэри эргиэн-логистика кииннэрэ бары акртическай улуустарга тутуллуохтара.
СӨ Ил Дарханын уонна Бырабыыталыстыбатын пресс-сулууспата
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…