Хаартыска видеоттан ылылынна
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө салҕанар.
«Төрөөбүт дойду тыына, ийэ илиитин сылааһа» — ханнык да саллаакка саамай күндү, күүс-көмө буолар.
Өргүөт нэһилиэгин олохтоохторо биир санаанан сомоҕолоһон, уолаттарыгар анаан ыһаарыламмыт балык, сылаас тыыннаах араас бурдук аha астанна. Астарын барытын ыраастык тутан, тоҥорон, суолга буорту буолбат гына анаан бэлэмнээтилэр.
Нэһилиэк баһылыга Василий Абрахов оройуон киинигэр киирэн, бу дьон-сэргэ үтүө санаатынан хомуллубут көмө аһы уолаттарыгар тиийэр гына анаан туттарда.
«Көмөнү хомуйарга, бэлэмнииргэ кыттыыны ылбыт, ас астаабыт, күүс-көмө, тирэх буолбут хас биирдии киһиэхэ барҕа махталбытын тиэрдэбит! Эһиги сылаас илиигитинэн астаммыт аскыт уолаттарбытыгар сэниэ-күүс уонна дойдуларын истиҥ тыынын тиэрдиэ диэн эрэнэбит. Биһиги күүспүт — сомоҕолоһууга!», — диэн этэллэр Өргүөт нэһилиэгин дьаһалтатын үлэһиттэрэ.
Видео Ольга Захарова тиксэриитэ
Хаартыска видеоттан скриннэннэ
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …
Кириһиэнньэ тымныылара ааһан, күн уһаабыта биллэн эрэр. Мантан ыла сылыйан, сырдаан, саас диэки чугаһаан иһиэхпит.…
Анаабыр улууһугар тиийэр былааннаах Кытай туристара Дьокуускай куорат мээрийэтигэр ыытыллыбыт пресс-кэмпириэнсийэҕэ кыттыыны ыллылар. Кытайга хотугу,…
Олохпут тухары илдьэ кэлбит үтүө үгэстэрбит көлүөнэттэн көлүөнэҕэ бэриллэн, утумнанан, олох сүтэн хаалбаттар. Ол иһигэр,…