Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта

Саха эстрадатын биир биллэр-көстөр ырыаһыта Эрхаан Саха Өрөспүүбүлүкэтин Үтүөлээх артыыһа бочуоттаах ааты тутта.  

Билигин  Дьокуускайга А.Е.Кулаковскай — Өксөкүлээх Өлөксөй аатынан  норуоттар доҕордоһууларын киинигэр «Сулус суһума» диэн саха эстрадатын чаҕылхай сулустарын кэнсиэригэр  СӨ  Култуура, духуобунай сайдыыга  миниистирэ Афанасий Ноев үөрүүлээх быһыыга-майгы туттарда. Көрөөччүлэр үөрэн күүстээх ытыс тыаһынан доҕуһуоллаатылар, уруй-айхал тылларын эттилэр.

Эстрада тыйаатыра номоххо киирбит Юрий Платонов аатын сүгэр. Кини саха эстрадата төрүттэниитигэр улахан оруоллаах. Юрий Платонов аата 65,89 караттаах алмааска иҥэриллибин Афанасий Ноев этэн туран, алмаас куопуйатын кэргэнэ Лидия Иннокентьевнаҕа уонна кыыһа Сардаана Юрьевнаҕа туттарда. Сардаана Юрьевна махтанан туран, алмаас куопуйатын Саха эстрадатыгар бэлэхтээтэ.

Бары билэрбит курдук, Эрхаан ырыаһыт быһыытынан байыаннай дьайыы буола турар сиригэр-уотугар анаан-минээн тиийэн, Саха сириттэн сылдьар байыастарга хаста да кэнсиэртээбитэ.  Кини Ийэ дойдуну таптыырга, патриоттуу тыыннаах ырыалара элбэхтэр. Түгэнинэн туһанан, табаарыспытын үрдүк наҕарааданы ылбыккынан ис сүрэхпититтэн эҕэрдэлиибит. Салгыы бу саас кинини кытта кэпсэтиибитин ааҕыҥ.