Хаартыска: Эрхаан социальнай ситимиттэн.
Саха эстрадатын ырыаһыта Эрхаан байыаннай дьайыыга сылдьар уолаттарга анаан «Эр хоһуун хотойбут» диэн саҥа ырыаны айда. Ырыа муус устар 13 күнүгэр сүрэхтэниэҕэ.
Бу туһунан Эрхаан маннык кэпсиир:
— Мин байыаннай дьайыыга сылдьар уолаттары көрсө олунньу-кулун тутар ыйдарга баран кэлбитим. Онно сылдьан аҕыста кэнсиэрдээбитим, тоҕус күн волонтердаабытым. Саха сирин уолаттарын көрсөн кэпсэтэн баран, миэхэ ырыа хос ырыата өйбөр киирбитэ. Ырыаны барытын буолбакка, хос ырыа тылларын эрэ испэр хатылыы сылдьыбытым.
Ол төннөн иһэн Москваҕа постпредствоҕа сылдьыбыппар, миэхэ «Саха сирэ» хаһыат таһаарбыт «Эргиллиҥ кыайыы көтөллөөх» диэн хоһоон хомуурунньугун бэлэхтээбиттэрэ. Бу кинигэҕэ өрөспүүбүлүкэ араас хоһоонньуттарын хоһоонноро киирбиттэр этэ. Мин бу хомуурунньуктан түөрт хоһооҥҥо ырыа айбытым.
Байыаннай дьайыыга сылдьар уолаттарбытыгар анаан Маргарита Егорова диэн Ньурба улууһун Чуукаар нэһилиэгин олохтооҕун «Эр хоһуун хотойбут» хоһоонугар ырыа айан баран били бэйэм суруйбут хос ырыабын эбэн биэрдим. Маргарита Егорова хоһоонун тыла уларыйбата, арай онно кылгас хос ырыа киирэн биэрдэ. Ырыабытыгар хайаан даҕаны килиип оҥоруохпутун наада диэн буолла. Байыаннай дьайыыга сылдьар уолаттарбыт бу тиэмэҕэ ырыаҕа наадыйаллар, онон ырыам муус устар 13 күнүгэр «Тэтим» уонна сахалыы «Виктория» араадьыйаларга сүрэхтэниэҕэ.
Хаҥаласка Улуу Кыайыы үбүлүөйдээх 80 сылыгар биир бэлиэ тэрээһининэн Тиит арыыттан Лабыдьа хайаларыгар тиийэ хайыһар…
Ааспыт сууккаҕа полицияҕа тэйиччиттэн түөкүннээччилэргэ түбэһэн 17 мөл. солк. кэриҥэ сууманы уордарбыт өрөспүүбүлүкэ икки олохтооҕо…
Нальчик куоракка мас тардыһыыга Арассыыйа первенствота түмүктэннэ. Турнир түмүгүнэн Саха сирин сүүмэрдэммит хамаандата алталыы кыһыл…
В.А.Вонгродскай аатынан Дьокуускай куораттааҕы мэдиссиинэ кэллиэһэ “Профессионалитет” бырайыагынан федеральнай граны сүүйдэ. Үбүлээһин кээмэйэ 60,5 мөл.…
Волгоград уобалаһыгар Аҕа дойду Улуу сэриитин сылларыгар өлбүт саха буойунун уҥуоҕа булуллубут. Бу туһунан Ил…
Бу күннэргэ социальнай ситимнэринэн НЛО-ну (биллибэт көтөр эттиги) Чурапчыга көрбүттэрин туһунан хаартыскалар, араас иһитиннэриилэр тарҕаннылар.…