Эрхаан — СӨ үтүөлээх артыыһа

Арассыыйа күнүн көрсө Ил Дархан Айсен Николаев өрөспүүбүлүкэ социальнай-экэнэмиичэскэй сайдыытыгар кылааттарын, өр сыллаах эҥкилэ суох  үлэлии сылдьар,  көхтөөх уопсастыбаннай үлэлээх дьоҥҥо  судаарыстыбаннай наҕараадаларынан наҕараадалыыр туһунан ыйаахха илии баттаата. 

Наҕараадаламмыт дьон ортотугар Эстрада судаарыстыбаннай тыйаатырын артыыһа  Аркадий Николаев-Эрхаан  баар. Киниэхэ Ил Дархан ыйааҕынан СӨ үтүөлээх артыыһа диэн бочуоттаах аат иҥэрилиннэ.

Аркадий Николаев-Эрхаан байыаннай дьайыы зонатыгар, госпиталларга сылдьан патриоттуу тыыннаах ырыаларынан байыастар санааларын көтөҕөр. “Гуманитарнай көмө иһин” бочуоттаах бэлиэнэн наҕараадаланан, дьонун-сэргэтин махталын ылбыта.

Эрхаан: «Кыайыы кынаттаах»