Хаартыска: СИА.
Эстрада артыыстара Эрхаан уонна Санита Ай улахан уоллара байыаннай дьайыыттан дойдутугар 14 күннээх уоппускаҕа кэллэ. Кинини аэропуорка чугас дьоно сылаастык көрүстүлэр диэн СИА суруйар.
Байыаннай сулууспалаах аан дойду дьахталларын күнүгэр ийэтигэр соһуччу бэлэх буолан кэлиэн баҕарбыт да, кыратык хойутаабыт.
— Софьяҕа соһуччу бэлэх курдук кулун тутар 8 күнүгэр кэлэрин баҕарбыппыт, ол сатаммата. Уолбут инники күөҥҥэ сылдьыбыта, ыыппыттарыгар махтал. Билигин сынньанар, бу күннэргэ аймахтарын, доҕотторун кытары көрсүөҕэ, — диэн аҕата Эрхаан кэпсээтэ.
Ырыаһыт, ырыа айааччы Аркадий Николаев-Эрхаан соторутааҕыта байыаннай дьайыы буола турар сиригэр тиийэн, Саха сириттэн сылдьар уолаттар санааларын көтөҕөр, бөҕөргөтөр сыаллаах кэнсиэртээбитэ. Онно сылдьан уолун көрсүбүтэ. Хамандыыры кытары кэпсэтэн, уола уоппускаҕа кэлэрин ситиспитэ. Николаевтар улахан уоллара байыаннай сулууспалаах буолан, байыаннай дьайыы саҕаланыаҕыттан сылдьар. Ииппит ийэтин Софьяны кытта истиҥ, чугас сыһыаннаахтар.
Эрхаан олоҕун, дьиэ кэргэнин, оҕону иитии туһунан кэпсээбит интервьютун бу сигэнэн киирэн ааҕыҥ.
https://edersaas.ru/dollooh-a-a-kergen-erhaan
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…