Эрхан Саввин Жуков аатынан мэтээлинэн наҕараадаланна

Биир дойдулаахпыт Эрхан Саввин анал байыаннай дьайыыларга ураты хорсун быһыыны көрдөрөн, Жуков аатынан мэтээлинэн наҕараадаланна.

Эрхан Уус Алдан улууһун Баатаҕайыгар төрөөбүт, 20 саастаах. Аармыйа кэнниттэн ааспыт сыл тохсунньутугар Белоруссияҕа тиийбит, онтон олунньуттан анал байыаннай дьайыыларга кытта сылдьар.
Сэбиэскэй полководец уонна маршал Г.К.Жуков аатынан мэтээлинэн Аҕа дойду көмүскэлигэр бэйэлэрин харыстаммакка хорсун быһыыны уонна тус бойобуой соругу толорууга, бойобуой дьуһуурустубаҕа, үөрэххэ, ураты быһыыны көрдөрбүттэрин иһин наҕараадаланаллар.