Эрэгийиэннээҕи уонна муниципальнай суоллары өрөмүөннээһин тэтимнээхтик барар

Федеральнай суоллары тэҥэ эрэгийиэннээҕи, муниципальнай суолларга үлэ эмиэ тэтимнээхтик барар.

Бу туһунан быһа эпииргэ Ил Дархан Айсен Николаев эмиэ бэлиэтээтэ.

“Сүрүн сорук – Амма суолун өссө 15 килэмиэтири аспааллааһыны түмүктээһин уонна Мухтуйа суолугар өрөмүөнү салгыы ыытыы. Өрөспүүбүлүкэ киин куоратын суоллара эмиэ умнуллубаттар. Дуогабардары олоххо киллэрии чэрчитинэн, сыл бүтүөр диэри кэккэ үлэлэр түмүктэниэхтэрэ. Ону тэҥэ 2027 сылга диэри дуогабардаах бырайыактары олоххо киллэрии былааннанар. Бөдөҥ трассалары өрөмүөннээһин хааччахтааһыннарга тириэрдэр. Онон олохтоохтор өрөмүөн үлэтэ барарын өйдүөх тустаахтар.  Үлэ көдьүүстээхтик уонна кэмигэр ыытылларыгар эрэллээхпин. Үлэ хаамыытын хонтуруола бары таһымҥа ыытыллар”, — диэн эттэ Ил Дархан Айсен Николаев.