Хаартыска: "Смарт" бибилэтиэкэ архыыбыттан
Семен Степанович Яковлев-Эрилик Эристиин —хорсун, үтүө санаалаах, олоххо элбэх эрэйи көрсүбүт суруйааччы. Кини биирдэ даҕаны паартаҕа олорон үөрэммэтэҕэ да, олоҕор элбэҕи ситиспит суруйааччы буолар. Кини гражданскай сэриигэ сылдьан ылбыт бааһыттан улам көрбөт буолан хаалбыта. Ол гынан баран, кини араас элбэх айар улэлээх суруйааччы буолар.
Эрилик Эристиин суруйааччы быһыытынан бэйэтин айымньытыгар араас кэмҥэ дьону долгутар дириҥ өйдөбүллээх тиэмэлэри көтөҕөр: тапталы, кырдьыгы, үтүөнү уонна куһаҕаны. Кини айымньылара үчүгэйи, куһаҕаны арааран, өйдүүргэ, олоххо эрэллээх буоларга, олох суолун сөптөөхтүк таларга үөрэтэллэр.
«Революция уолаттара» сэһэнигэр тулаайах хаалбыт, казах норуотун чулуу уолаттара Абдуркулла уонна Мундербек эрэйдээх-буруйдаах олохторо чаҕылхайдык ойууланар. Гражданскай сэрии уотун ортотунан ааһан, дьоллоох олоххо тиийиилэрэ кэпсэнэр.
«Кэриэс туолуута» айымньыга быраатын Хабырыыс барахсаны бандьыыттар кырбаан өлөрөллөрун туһунан уонна Уулаах Уйбаан Сэмэнчиги кытта колхоһу тэрийэн Хабырыыс кэриэһин толороллорун туһунан суруллубут.
«Аймалҕан» диэн сэһэҥҥэ Эрилик Эристиин Бурятия уонна Монголия норуоттара өрөбөлүүссүйэ кэмигэр олохторун, көҥүл иһин охсуһууларын туһунан суруйар. Турахин курдук баайдар ыар батталларын итэҕэтиилээхтик ойуулуур. Эрбантей, Мариса, Бурхалей диэн дьадаҥы дьоннор көҥүл иһин охсуһууларын сэһэргиир айымньы.
Мин Семен Степанович Яковлев-Эрилик Эристиин айымньыларын сөбүлээн аахтым.Кини сэһэннэрэ киһини олоххо баар ыарахаттары тулуйарга, олох туһунан толкуйдуурга үөрэтэр айымньылар буолаллар.
Бу айымньылары дириҥник өйдүүрбүүтүгэр саха тылын учуутала Валентина Семеновна Кривошапкина оҥорбут презентациялара наһаа туһалаахтар.
Таисия АНДРЕЕВА, Харбалаахтааҕы үөрэхтээһин холбоһугун 8 кылааһын үөрэнээччитэ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…