Эрин быһахтаабыт дьахтары 6 сылга хаайдылар

Дьокуускайгы быйыл саас буолбут холуобунай буруйу көрөр суут ааста. 2023 сыл муус устар 12 күнүгэр, Таатта улууһугар 50 саастаах дьахтар кэргэнин быһахтаан тутуллубута.

Иэдээннээх быһылаан Ытык Күөл биир ыалыгар буолбут. Эрдээх ойох иккиэ буолан арыгы иһэ олорон кыыһырсыбыттар. Ойоҕо дьахтар этиһии кэмигэр килиэп быһаҕын сулбу тардан ылан оҕонньорун искэ охсубут. 46 саастаах эр киһи бу эчэйииттэн тыына быстыбыт. Дьахтар тугу оҥорбутун өйдөөн, бэйэтэ полиция учаастагар кэлэн тылламмыт.

Дьыаланы көрөр судьуйа буруйун бэйэтэ билиммитин, оҥорбут буруйун кэмсинэрин учуоттаан, дьахтары 6 сыл уопсай эрэсиэмнээх холуонньаҕа хаалларга уураах таһаарда.