«Эркээни хочото» — сайдыы суола

Бүгүн СӨ Бырабыыталыстыбатын Бэрэссэдээтэлэ Кирилл Бычков салайыытынан Хаҥалас улууһун түөрт нэһилиэгин уонна Покровскай куораты «Эркээни хочото» бэйэ бородууксуйатын оҥорон таһаарар территориятыгар киллэрии туһунан мунньах буолла. 

Тэрээһин Ил Дархан Айсен Николаев б.дь. атырдьах ыйын 9 күнүнээҕи Инвестиция кэмитиэтин мунньаҕар биэрбит сорудаҕын толоруу чэрчитинэн ыытылынна.

— «Эркээни хочотугар» Төхтүр, Өктөм, Дьэр уонна Нөмүгү нэһилиэктэрин кытта Покровскайга эт аһы оҥорон таһаарар кэмбинээт, эбии аһылык сыаҕа, дьоҕус көлөнү оҥорор, олохтоох эмтээх оттон фармацевтическай бородууксуйаны   оҥорон таһаарар эбийиэктэр тутуллуохтара.  Ааттаммыт нэһилиэктэргэ уонна  куоракка бу хайысхаларга номнуо  үлэлэһэ сылдьар резиденнэр  бааллар. Манна сүүстэн тахса үлэ миэстэтин таһаарар сорук турар, – диэн бэлиэтээтэ СӨ Бырабыыталыстыбатын Бэрэссэдээтэлэ Кирилл Бычков.