Өрт хочуолунайын чөлүгэр түһэрдилэр

Ыам ыйын 11 күнүгэр Горнай улууһун Өрт сэлиэнньэтин халаан уутуттан эмсэҕэлээбит хочуолунайын үлэтин сөргүттүлэр. Онон хочуолунай уруккутун курдук үлэлии турар, олорор дьиэлэргэ, социальнай эбийиэктэргэ сылаас киирдэ. Бу туһунан Өрөспүүбүлүкэтээҕи суһал ыстаап иһитиннэрэр.

Сааскы халаан уутуттан эмсэҕэлиир нэһилиэнньэлээх пууннарга «ОДьКХ» судаарыстыбаннай унитарнай тэрилтэ учаастактара үрдүк бэлэмнээх эрэсиимҥэ үлэлииллэр.

Тэрилтэ кылаабынай инженерэ Александр Корякин быһаарбытынан, производственнай филиалларга уматык, уот, араас матырыйааллар саппаастарын эрдэттэн  хаһааммыттар диэн СИА суруйар.

Ил Дархан, бырабыыталыстыба дьаһалтатын пресс-сулууспата.