Хаартыска: sakhagov
Саха сирин Экологияҕа, айылҕаны туһаныыга уонна ойуур хаһаайыстыбатын министиэристибэтэ санатар: тыа хаһаайыстыбатыгар анаммыт ходуһаларга уонна мэччирэҥ сирдэригэр өртөөһүн РФ бырабыыталыстыбатын 2020 сыл балаҕан ыйын 16 күнүнээҕи 1479 №-дээх уурааҕынан бигэргэтиллибит баһаарга куттала суох буолуутун быраабылаларын 185 пуунунан бобуллар.
Департамент ойуур баһаарын сэрэтэр сыалтан, кураанах оту уматыы ойуур пуондатын сирдэригэр эрэ ыытыллыан сөбүн туһунан иһитиннэрдэ.
Маннык кураанах оту сэрэтэр уматыыны СӨ «Якутлесресурс» судаарыстыбаннай автономнай тэрилтэтин исписэлиистэрэ оҥороллор. Кинилэр барытын саҕаланыаҕыттан бүтүөр диэри хонтуруоллууллар.
“Бу кэмҥэ табыгастаах бириэмэ (баһаар тахсыан сөп кэмигэр буолбатах) курдук тустаах усулуобуйалар тутуһуллуохтаахтар”, — диэн министиэристибэ быһаарда.
Тыа хаһаайыстыбатын бородууксуйатын оҥорооччулар ойуур пуондатын сирдэригэр баар оттуур уонна да атын сирдэри өртүүргэ этиилэрин киллэриэхтэрин сөп. Бу этиилэр «Якутлересурс» СӨ Государственнай автономнай тэрилтэтинэн сөбүлэһиллибит профилактическай өртөөһүн сирдэригэр сөп түбэһэр буоллахтарына, көрүллүөхтэрин сөп.
Министиэристибэ бары олохтоохтору ойуур харыстабылыгар эппиэтинэстээхтик сыһыаннаһалларыгар уонна баһаардары сэрэтэр сокуоннары тутуһалларыгар ыҥырар.
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…
СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…
Хайдах ааҕылларый? Төһө буоларый? Бу туһунан «Российская газета» суруйар. 2026 сылтан Арассыыйаҕа социальнай өйөбүл саҥа…
112 суһал көмө нүөмэригэр 70 саастаах эр киһи сүппүтүн туһунан иһитиннэрии киирбит. Саха сиринээҕи Быыһыыр…