Өртөөһүнтэн икки баһаар таҕыста

Сыллата халлаан лаппа сылыйбытын кэннэ сэтиэнэҕи уматыыттан баһаар ахсаана элбиир, ол улахан баһаарга тиэрдэр кутталлаах.

Ыам ыйын 9 күнүгэр кураанах оту уматыыттан баһаар тахсыбытын туһунан баһаарынай-быыһыыр сулууспаҕа икки иһитиннэрии киирбит.

Ол курдук, Горнай улууһугар Бэрдьигэстээх сэлиэнньэҕэ Үрдэл уулуссаҕа 3 кв.м иэннээх сиргэ кураанах оту умаппыттар. Буруйдаах, хоромньу быһаарыллар. Баһаары умуруорууга 4 исписэлиис, 1 тиэхиньикэ тардыллыбыт.

Дьааҥы улууһугар Верхоянскай куоракка Новгородов уулуссаҕа 100 кв.м. иэннээх учаастак умайбыт. Буруйдаах, хоромньу быһаарыллар.  Баһаары умуруорууга 2 исписэлиис, 1 тиэхиньикэ тардыллыбыт.

Баһаартан сэрэхтээх буолууну кэһии иһин РФ ХК 168-с, 219-с, 261-с ыстатыйаларынан холуобунай эппиэтинэскэ тардыллаллар, бу иһин ыстарааптаныахтарын эбэтэр бырааптара быһыллыан сөп диэн Саха сиринээҕи ЫБММ управлениетын пресс-сулууспата иһитиннэрэр.