Хаартыска: ЫБММ Саха сиринээҕи управлениета.
Сыллата халлаан лаппа сылыйбытын кэннэ сэтиэнэҕи уматыыттан баһаар ахсаана элбиир, ол улахан баһаарга тиэрдэр кутталлаах. Ол курдук, Өктөм сэлиэнньэтигэр баһаартан үс учаастак эмсэҕэлээтэ, РФ ХК 168-с ыстатыйатынан бэрэбиэркэ оҥоһулла сылдьар.
Ыйыталаһан билбиттэринэн, баһаар Новай уулусса соҕуруулуу-илин өттүнээҕи учаастактан саҕаламмыт. Тыал үрэн уот ыкса ыалларын учаастагар көспүт. Ол түмүгэр олорор дьиэ, гараас, массыына, хаһаайыстыбаннай тутуулар уонна олбуор уокка былдьаммыттар, үс учаастакка 565 кв.м. уопсай иэннээх сир умайбыт.
“Баһаар турбут биир төрүөтүнэн биир учаастакка сэтиэнэҕи уматыы буолар. Баһаар тахсыытыгар сыһыаннаах дьону быһаарыыга суһал-көрдүүр миэрэлэри ыытыыга сорудах бэриллибитэ. Ыйыталаһан көрүү түмүгүнэн, лабаратыарыйаҕа баһаарынай-тиэхиньиичэскэй чинчийии оҥоһуллуоҕа”, — диэн Кэтээн көрөр уонна сэрэтэр үлэ административнай быраактыкаҕа салаатын начаалынньыга Надежда Петрова этэр.
Манна даҕатан эттэххэ, өрөспүүбүлүкэҕэ 12 тыһ. кв.м. иэннээх сиргэ 6 умайыы бэлиэтэннэ, баһаары кэтээн көрөр иниспиэктэрдэр административнай дьыаланы көбүттүлэр, ол түмүгүнэн, буруйдаахтары эппиэтинэскэ тардар боппуруос быһаарыллыаҕа, ол иһигэр сири бас билээччилэргэ.
Баһаартан сэрэхтээх буолууну кэһии иһин РФ ХК 168-с, 219-с, 261-с ыстатыйаларынан холуобунай эппиэтинэскэ тардыллаллар, бу иһин ыстарааптаныахтарын эбэтэр бырааптара быһыллыан сөп диэн Саха сиринээҕи ЫБММ управлениетын пресс-сулууспата иһитиннэрэр.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…