Өрүһү туораатахха, ыстараап көрүллэр

Тырааныспар уонна суол хаһаайыстыбатын министиэристибэтэ өрөспүүбүлүкэ олохтоохторун өрүһү  сабыылаах сирдэринэн туоруур бобуулааҕын туһунан иһитиннэрэр. Бобуулаах кэмҥэ өрүһү туорааһын СӨ КоАп 9.10 ыстатыйатын кэһии буолар уонна административнай эппиэтинэскэ тардыллар. 

Ыстараап көрүллэр:

— гражданнарга — 3000 солкуобайтан 5000 солкуобайга диэри;

— дуоһунастаах дьоҥҥо — 20 000 солкуобайтан 50 000 солкуобайга диэри;

— тэрилтэлэргэ — 100.000 солкуобайтан 1.000.000 солкуобайга диэри.

Күн бүгүн өрөспүүбүлүкэ киин улуустарыгар өрүстэри туоруур сирдэр бары сабыллыбыттар,  сырыы бүтүннүү тохтотуллубут.

Саха сирин киин улуустарыгар өрүстэри туорааһыны сабыы болдьоҕо муус устар 15-18 күннэригэр түһүмэҕинэн ыытыллыбыта. Арктика  уонна хотугу улуустарга кыһыҥҥы суоллар муус устар 5 күнүттэн 21 күнүгэр диэри сабыллыбыттара.

Сиһилии: https://www.sakha.gov.ru/news/3804