Хаартыска: sakha.gov.ru
Бүгүн, муус устар 10 күнүттэн, өрүһү туоруур айан суолугар тырааныспар уйугун 20 туоннаҕа диэри намтаттылар.
Өрүһү туоруур суолларынан 20 туоннаттан тахса уйуктаах тырааныспардар сырыылара бобуллар: Өлүөнэ өрүс — «Дьокуускай – Аллараа Бэстээх»; Алдан өрүс — «Хаандыга — Мэҥэ-Алдан»; Бүлүү өрүс – «Бүлүү» суол 660 км (Үөһээ Бүлүү); «Бүлүү» суол 807 км (Күндээдэ); «Бүлүү» суол 956 км (Устье); «Вилюй» суол 1049 км (Кириэстээх).
Өлүөнэ өрүһү туоруур «Хатас-Павловскай» айан суолун учаастагар тырааныспар уйуга 40 туоннаҕа диэри оннунан хаалар. Онуоха өрүс икки биэрэгинэн кыһыҥҥы суол туругун күннэтэ кэтээн көрүүтэ ыытыллыаҕа. Өлүөнэ өрүһү туоруур «Хаҥалас- Суотту» айан суол учаастагар тырааныспар уйуга 30 туоннаҕа диэри оннунан хаалар.
Санаттахха, муус устар 15 күнүттэн Саха сирин киин оройуоннарын өрүһү туоруур айан суоллара сабыллыахтара уонна сырыы тырааныспар бары көрүҥнэригэр бобуллуоҕа. Оттон Арктика уонна хотугу улуустарга муус устар 20-25 күннэригэр сабыллыахтара. Өрүһү туоруур кыһыҥҥы суолларынан сырыы болдьоҕо күн-дьыл туругуттан уларыйыан сөп.
СӨ Ил Дарханын уонна Бырабыыталыстыбатын пресс-сулууспата
Бу сыл сэтинньи 5 күнүттэн сэтинньи 10 күнүгэр диэри Дьокуускай куоракка 1-12 кылаас үөрэнээччилэрэ уонна…
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыҥҥа – муҥхаҕа…
Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ…