Өрүс суола ахсынньы бастакы дэкээдэтигэр аһыллыаҕа

Саха сиригэр ахсынньы бастакы дэкээдэтиттэн саҕалаан өрүс кыһыҥҥы суоллара аһыллыахтара. Суол аһыллыытын уонна сабыллыытын барыллаан болдьоҕун СӨ массыына суолларын управлениета уонна «Дороги Арктики» тэрилтэ бигэргэттэ.

Киин улуустарга суол барыллаан ахсынньы бастакы дэкээдэтигэр аһыллыаҕа:

— Өлүөнэ өрүһүнэн «Хатас-Павловскай» хайысханан 3 туонналаахтарга;

— Бүлүү өрүһүнэн «Бүлүү» суолунан 10 туонналаахтарга;

— Алдан өрүһүнэн «Халыма» суолунан 10 туонналаахтарга;

— Таас Үрэх кыһыҥҥы суолунан — Ленскэй уонна Мииринэй оройуоннарыгар.