Өрүс суола хаһан сабыллар?

Аҕыйах хонугунан өрүһү туоруур кыһыҥҥы суоллар сабыллан,  нөҥүө кытылга сымнаҕас сыттыктаах «Хивус» суудуналарынан туоруохпут. 

СӨ Тырааныспарын уонна суол хаһаайыстыбатын министиэристибэтэ иһитиннэрбитинэн, Дьокуускай — Аллараа Бэстээх хайысхатынан айан-сырыы муус устар 15 күнүттэн бобуллуохтаах.  Оттон Хатас — Павловскай хайысхатынан  өрүс суола муус устар 17 күнүттэн сабыллара былааннанар. Ол гынан баран, күн-дьыл туругуттан көрөн, суол сабыллыытын болдьоҕор уларыйыылар киириэхтэрин сөп.