Өрүс уҥуор нэһилиэктэр үчүгэй көрдөрүүлээхтэр

Бүлүү улууһа быйылгы оттооһун кэмигэр 26200 туонна оту соҕотуопкалыыр соруктааҕын 94 % толорон иһэр. Быйыл 18 мобильнай биригээдэни тэрийбиттэрэ. Тустаах биригээдэлэр 2400 туонна оту чөкөттүлэр.

— Кыстыкка сүөһүбүт, сылгыбыт этэҥҥэ тахсарын туһугар отчуттарбыт туруулаһан туран оттоотулар. Үгүлээт, Хаҕын, Тылгыны, I, II Күүлэт, Кыргыдай, Өкүндү, Арыылаах нэһилиэктэрэ үчүгэй көрдөрүүлээхтэр. Оттооһуну бэс ыйыгар  тэриллибит суһал ыстааб сүрүннээтэ. Илбэҥэлэр төһө да ойуур уотун умулларыыга сырытталлар, отторун булунарга туруммуттара. Курааннаабыт сирдээх-уоттаах лөкөчөөннөр былааннарын 70-ча бырыһыанын булуннулар. Хортуоппуй үүнүүтэ, сенаж, сиилэс туруга орто, — диэтэ Бүлүү улууһунааҕы Тыа хаһаайыстыбатын департаменын салайаччыта Павел Иннокентьев.

Хаартыска: П.Иннокентьев ыытта