Хаартыска: Быыһыыр сулууспаттан.
Бүгүн, балаҕан ыйын 29 күнүгэр, Нам улууһугар өрүскэ хаайтарбыт балыксыттары быыһаатылар диэн биэдэмистибэ пресс-сулууспата иһитиннэрэр.
Балаҕан ыйын 27 күнүгэр 15:37 чааска 112 нүөмэргэ эрийэн, Алдан өрүс төрдүгэр балыксыттар оҥочолоро алдьанан хаайтарбыттарын туһунан иһитиннэрбиттэрэ. Эр дьон Нам улууһун Түбэтигэр Дьокуускайтан кэлэн, өрүс кытылыгар массыыналарын хаалларбыттар. Өлүөнэ өрүһүнэн Алдан өрүс диэки 5 км оҥочолорунан устубуттар. Онтон оҥочолорун долгун уҥа кытылга саайан, көмө көрдөөбүттэр. Бу туһунан СӨ Быыһыыр сулууспатын пресс-сулууспата иһитиннэрэр.
Ол күн 16:05 чааска Түбэҕэ баар Быыһыыр сулууспа хонтуруоллуур-быыһыыр этэрээтин быыһааччылара күүстээх силлиэттэн сылтаан сатаан айаҥҥа турумматтарын иһитиннэрбиттэр, күн-дьыл туруга бигэтийэрин күүппүттэрэ.
Онтон 18:45 чааска 112 нүөмэргэ эмсэҕэлээччилэр эрийэн, Хатыҥ-Арыы арыыттан кэннилэринэн 30-40 м айаннаабыттарын туһунан иһитиннэрбиттэр. Тыал тээннэрин алдьаппыт, оҥочолоругар уу киирбит.
00:22 чааска эрийэн, Хатыҥ-Арыы арыыга баалларын, күүстээх тыаллааҕын эппиттэр. 03:31 чааска ол сиртэн ханна да хамсаабатахтарын иһитиннэрбиттэр.
05:59 чааска Намнааҕы хонтуруоллуур-быыһыыр пуун быыһааччылара кытылга кэлбиттэрэ, тыал күүһүрэн уонна өрүскэ силлиэлээх буолан, оҥочонон устар сатамматыттан айаҥҥа турумматахтар.
Эмсэҕэлээччилэри аара устар суудуналрынан ыллараары гыммыттар даҕаны, тыаллаахха айанныырга анаммыт сөп түбэһэр суудуна айаннаабатах.
Бүгүн, балаҕан ыйын 29 күнүгэр, 06:00 чааска Намнааҕы хонтуруоллуур-быыһыыр пуун икки быыһааччыта мотуордаах оҥочонон эмсэҕэлээччилэргэ тиийбит. 07:24 чааска булбуттар. Өрүскэ хойуу туманнаах буолан ааһарын күүппүттэр уонна 09:54 чааска Түбэҕэ кэлбиттэр. Эмсэҕэлээччилэр туруктара этэҥҥэ, мэдиссиинэ көмөтүгэр наадыйбатахтар.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…