Өрүскэ «хивустар» харсыстылар

Илин-Сибиирдээҕи  тырааныспар борокуратуурата Өлүөнэ өрүскэ тахсыбыт быһылаанынан бэрэбиэркэ ыытта.

Барыллааһын быһыытынан, ыам ыйын 13 күнүгэр, 14.00 чаас саҕана, Өлүөнэ өрүскэ икки суудуна харсыспыт.  Бу суудуналарынан  Дьокуускай — Аллараа Бэстээх — Дьокуускай хайысхатынан пассажирдары таһаллар эбит.  Быһылаан түмүгэр биир пассажир мэдиссиинискэй көмөҕө наадыйан, балыыһаламмыт. Атын пассажирдар уонна суудуналаах киһи эчэйбэтэхтэр.

Билигин Саха сиринээҕи тырааныспар борокуратуурата  туһааннаах быһылаанынан бэрэбиэркэ ыытар.  Өскөтүн сокуон ирдэбилин кэһии тахсыбыт түгэнигэр, туһааннаах миэрэлэр ылыллыахтара. Бу туһунан Илин-Сибиирдээҕи  тырааныспар борокуратуурата иһитиннэрдэ.