Андрей Сорокин хаартыската, ЯСИА архыыбыттан
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр.
Өрүстэр ууларын таһыма сыыйа намтыыр, кыдьымах тахсан, мууһунан бүрүллэн эрэллэр.
Ньүүйэ уонна Маача икки ардыгар Өлүөнэ өрүс учаастагар кытылларынан кыдьымах таҕыста уонна үөһүнэн муус устара сэдэхтик бэлиэтэнэр. Алтынньы 10 күнүттэн 13 күнүгэр диэри Хатыҥ-Тумул-Покровскай учаастагар кыдьымах сыллааҕы орто көрдөрүүттэн 4-5 хонук эрдэлээн үөскээбитэ. Кэлэр 3 хонук иһигэр Витим-Өлүөхүмэ уонна Табаҕа-Кангаласс учаастактарыгар өрүс мууһуран саҕалыыра күүтүллэр.
Алтынньы 10 күнүттэн 12 күнүгэр диэри, 1-3 күн эрдэлээн, Алдан өрүскэ муус туран эрэрэ бэлиэтэнэр.
Амма өрүс аллараа өттүгэр, Таатта улууһугар Харбалаах метео-ыстаансыйатын аттыгар муус бүрүөһүнэ сыллааҕы орто көрдөрүүттэн 3 күн эрдэ үөскээтэ.
Алтынньы 11 күнүттэн 13 күнүгэр диэри Ньурба уонна Хатырык Хомо икки ардыларынааҕы Бүлүү өрүс учаастагар кыдьымах, уста сылдьар муус 1-2 хонук эрдэ бэлиэтэннэ.
Алтынньы 10 күнүттэн 12 күнүгэр диэри, уһун болдьохтоох орто көрдөрүүттэн 2-3 хонук хойутаан, Орто Халыма уонна Колымскай учаастагар Халыма өрүскэ кыдьымах устуута саҕаланна. Бү күн Черскэй гидропост аттыгар баар сорох сиргэ муус турбут.
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…