Өрүстэргэ уу таһыма үрдээн үс улуус үрдүк бэлэмнээх буолуу эрэсиимигэр көһөрүлүннэ

Саха сирин хотугулуу-илин уонна илин өттүгэр ардахтар хото түһэннэр, уу таһыма үрдээбитэ бэлиэтэнэр, ол иһигэр Индигиир өрүскэ эмиэ. 

СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы миниистирэ Дмитрий Лепчиков иһитиннэрбитинэн, суһал дааннайдар түмүктэринэн уонна олохтоох бэйэни салайыныы уорганнарыттан иһитиннэрбиттэринэн, уу таһыма кутталлаах кирбиигэ тиийбитэ бэлиэтэммэтэх.

Ол эрээри, билиҥҥи туругунан Орто Балаҕаҥҥа, Томторго, Өймөкөөҥҥө, Уус Ньара бөһүөлэгэр биир микрооройуон, ону таһынан нэһилиэнньэлээх пууннарга сорох учаастактар уонна Муома улууһун киинигэр — Хонууга, намыһах сирдэргэ уу киирбитэ бэлиэтэнэр. Маны таһынан, олохтоох бэйэни салайыныы уорганнарын дакылааттарынан, оттуур сирдэр эмиэ барыталаабыттар.

Сиһилии https://www.sakha.gov.ru/news/8296

СӨ Ил Дарханын уонна Бырабыыталыстыбатын пресс-сулууспата