Хаартыска: Людмила Попова.
Биир кэлим эксээмэннэр түмүктэнэн эрэллэр. Быйыл нуучча тылыгар уонна математикаҕа эрэ биир кэлим эксэмээни (11-с кылаастар) иккистээн туттарар кыахтаахтар. Талар биридимиэттэр эһиилгигэ көһөллөр.
СӨ Үөрэҕин уонна билимин министиэристибэтин Саха сиринээҕи үөрэх хаачыстыбатын кэтээн көрөр киин дириэктэрин солбуйааччы Таисия Иванова:
— Сүрүн түһүмэххэ (основной период) биир кэлим эксээмэни кыайан туттарбатах оҕолорго эрэсиэрбэ күннэр көрүллэллэр (бэс ыйын 22 күнүгэр – нуучча тылыгар, бэс ыйын 26 күнүгэр – математикаҕа). Бу ситии-хотуу аттестатын ыларга булгуччулаах биридимиэттэр. Өскөтүн биир “иккилээх” буоллахтарына туттараллар, онтон икки биридимиэккэ иккиэннэригэр (нуучча тыла, математика) алын кээмэйи ааспатах буоллахтарына, күһүҥҥүгэ (балаҕан ыйыгар) бараллар. Талар биридимиэттэри быйыл иккистээн туттарыллыбат, биир сылы аһаран баран эһиил туттарыахтарын сөп.
Арай бу күннэргэ оҕо ыалдьан эбэтэр туох эрэ төрүөтүнэн эксээмэҥҥэ кэлбэтэх буоллаҕына, от ыйын 1 күнүгэр туттарыан сөп (ыспыраапка булгуччу ирдэнэр, туох төрүөтүнэн кэлбэтэҕэ онно ыйыллар), — диэн быһаарда.
Онон хомойор, хоргутар ирдэммэт. Эһиил даҕаны туттарарга кыах бэриллэр.
Бүгүн, балаҕан ыйын 17 күнүгэр, 13:00 чаастан Ил Дархан Айсен Николаев "Саха" ГТРК "Прямой разговор"…
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Аҕам саастаах уонна доруобуйаларыгар хааччахтаах дьон бородуукта атыылаһаллара, бырааска көрдөрө бараллара кыаллымыан сөп. Дьиэҕэ-уокка уонна…
Балаҕан ыйын 13 күнүгэр "Боотур" иһинэн тэриллибит "БАРС-2" этэрээт байыастара бойобуой сорудаҕы толоро сылдьан, дрону…
Бүгүн, балаҕан ыйын 17 күнүгэр, Саха сирин сорох улуустарыгар инчэҕэй хаары кытта ардах түһэрэ күүтүллэр…