Хаартыска: Лена Свешникова тиксэриитэ
Өспөх нэһилиэгин волонтердара Дьокуускайга «Добровольцы» волонтердар хамсааһыннарын филиала буолан, үһүс сылбытын хаххалыыр сиэккэни оҥорон бэлэмниибит.
Билиҥҥи туругунан «Добровольцы» хамсааһын Жатай тэрилтэлэринэн, улуустарынан 50-тан тахса филиаллаах. Салайааччыбыт Светлана Архипченко билигин Новоазовскай куоракка тирэх пууҥҥа үлэлии барбыта ыйтан орто. Манна балаһыанньаны билсэ, сибээһи тута олорор, онон салгыы хайдах үлэлиирбитигэр, ордук туохха болҕомто уурарбытыгар туһалаах. Кини: «Хордуон дьааһыктар төһө да массыына иһигэр угуллубуттарын иһин, сытыйан, иһинээҕитэ тохтон тиийэллэр. Куулга да угар баһыылкалары илийбэттэрин, сытыйбаттарын курдук суулуур ордук. Аны, ас буорту буолан тиийэр. Саҥа дьыллааҕыга вакуум бакыаттаммыт ыһаарыламмыт балык буорту буолан тиийбит. Астан кэнсиэрбэлэммити ыытар ордук. Баһыылкалар тирэх пууҥҥа харалла сыталлара элбэх. Аны минньигэс ас элбэх тиийэр эбит, сиэниллибэккэ мээнэ сыталлар», — диэн этэр. Онон мантан көрөн учуоттуур ордук буолсу диэн кэпсэттибит.
Хаххалыыр сиэккэни бэлэмниир матырыйаалбытын барыбытыгар уопсай сакаастыыллар уонна филиалларынан үллэрэллэр. Биллэн турар, матырыйаал босхо кэлбэт. Тэрилтэлэр, кэлэктииптэр көмөлөһөллөр, тус хармааннарыттан уопсайа 3-түү, 5-тии мөл солк. көмөлөспүт байыас уолаттардаах ийэлэр, дьиэ кэргэттэр бааллар. Үп-харчы буларга биһиги да туора турбаппыт, олохтоох урбааньыттарбыт уонна нэһилиэнньэ эмиэ көмөлөһөр. Хаххалыыр сиэккэни бэлэмниирбитин таһынан сылаас таҥас, дронтан хаххалыыр суорҕан о.д.а тигэллэр. Хас да иистэнэр сыах баар. Онтон биирэ былырыын Белгород к. аһыллыбыта. Хас да аһымал кэнсиэр тэриллибитэ.
Үс сыл устата 3766,5 кв.м. иэннээх 278 устуука хаххалыыр сиэккэ, онтон 2025 сылга — 1395 кв.м. иэннээх 93 хаххалыыр сиэккэ бэлэмнэннэ. Саҥа дьыллааҕы бырааһынньык сынньалаҥ күннэрин Өспөх волонтердара туһалаахтык атаардыбыт. Ол курдук, 11 устуука 3х5 кв.м. тиэхиньикэҕэ анаммыт хаххалыыр сиэккэни баайдыбыт. Байыастарга көмөҕө көхтөөхтүк кыттаммыт, кыайыыны чугаһатабыт диэн эрэллээхпит.
Лена Свешникова,
Өспөх, Уус Алдан.
Хаартыскалар: Л.Свешникова тиксэриитэ
Аан дойдуга буола турар сиэрэ суох быһыыны-майгыны «Сэмсэ тыл» биэриигэ политолог Чокуур Гаврильев ырытар. Манна…
Арассыыйа Дьоруойа, "Медведь" позывнойдаах Алексей Петров Мэҥэ Хаҥаласка сырытта. Кини бииргэ сулууспалаабыт дьонун көрүстэ, байыаннай…
Урал патриоттара пуорумҥа Саха сирин волонтердарын. актыбыыстарын ыҥыраллар. Ханты-Мансийскайга кулун тутар 17-19 күннэригэр "Патриоты Урала"…
Былыргылар этэллэринэн, ахсынньы 22-с хонугуттан (Кыһыҥҥы Ньукуолун, күн-түүн тэҥнэһэр таҥарата) тохсунньу 19 хонугар (Кириһиэнньэ, уунан…
Арассыыйа Суруналыыстарын сойууһа "Земскэй суруналыыс" диэн бырагырааманы үлэлэтэргэ ыҥырда. Бу туһунан Арассыыйа Суруналыыстарын сойууһун бэрэссэдээтэлэ…
Муома улууһун биир нэһилиэгин баһылыгын солбуйааччыта туох да төрүөтэ суох бэйэтин, кэргэнин уонна сокуоннай сааһын…