Хаартыскаҕа Лена Свешникова түһэриитэ
Уус Алдан улууһугар Өспөххө мобильнай интэриниэт вышката турда.
4G сибээскэ холбоммотох 100-1000 ахсааннаах нэһилиэнньэлээх пууннарыы сибээһинэн хааччыйыыга «Сыыппараҕа тэҥэ суох буолууну туоратыы» федеральнай бырайыакка киирсэргэ «Госуслуги» портал нөҥүө куоластаан, ыйыллыбыт аадырыска кумааҕыга куоластаабыттары почтанан ыытан уон иһигэр хапсыбыппыт. Ыҥырыы таһааран күн аайы этиллибит күҥҥэ диэри биир дойдулаахтарбытын, аймахтары куоластатан үлэ бөҕөнү көрсөн ситиспиппит. Ол хамсааһыммыт биир сылынан үлэҕэ киирэн эрэриттэн үөрүүбүт муҥура суох.
Бүгүҥҥү күҥҥэ вышка үлэтэ барыта оҥоһулунна. “Ростелеком” тэрилтэ аппаратуратын холбоото. Аны уокка холбоноро күүтүллэр.
Бу вышка үлэлээтэҕинэ «Ростелеком» тэрилтэ Теле2 диэн мобильнай сибээһэ үлэлиир, ону сэргэ МТС, Мегафон оператордар интэриниэттэрэ үлэлиир буолар, онон сибээспит өссө тупсар. Ыраах олорор, суола суох нэһилиэккэ түргэн сибээс биэрэр өҥөтө дьон олоҕо уйгулаах буоларыгар биир төһүү күүс буоллаҕа.
Куоластааһыҥҥа кыттыспыт бары биир дойдулаахтарбытыгар, улуус, өрөспүүбүлүкэ тэрилтэлэрин салайааччыларыгар, нэһилиэктэр баһылыктарыгар махтанабыт. Улууспут олохтоохторун бары хамсааһыннарга, улууспутугар ыытыллар үлэ тула бу курдук түмсүүлээх, кыайыылаах буолуохха диэн ыҥырабыт.
Лена Свешникова,
Өспөх, Уус Алдан.
Хаартыскаҕа ааптар түһэриитэ
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…