Ахсынньы 15-16 күннэригэр Дьокуускайга «Саха сирин бырамыысыланнаһа уонна геологическай чинчийии: 100 сылы нөҥүөлээн» диэн ааттаах пуорум ыытыллыа. Манна бөдөҥ бырамыысыланнай хампаанньалар ааттаах-суоллаах эспиэрдэрэ уонна бэрэстэбиитэллэрэ кыттыахтара, сайдыы саҥа кыахтарын дьүүллэһиэхтэрэ.
Ил Дархан Айсен Николаев бэлиэтээбитинэн, бырамыысыланнай хампаанньалар сааҥсыйалары аахсыбакка, үлэлээбиттэрин курдук үлэлииллэр, төттөрүтүн оҥорон таһаарыыларын улаатыннараллар. «Бырамыысыланнай тэрилтэлэр өрөспүүбүлүкэ, Уһук Илин, уонна дойду экэниэмикэтэ сайдарыгар улахан кылааты киллэрэллэр. Бу Арассыыйа хампаанньалара итиэннэ атын дойдулартан даҕаны биһиги ырыынакпытыгар киирэн үлэлиир кыахтара үөскээтэ. Итиниэхэ Азия-Тиихэй акыйаан эрэгийиэннэрэ киириилэрэ, мин саныахпар, биһиги конкуренциялаһар кыахпытыгар усулуобуйаны үөскэтэр», – диэтэ Айсен Николаев.
Аан бастакытын бу пуорумҥа Уһук Илин бөдөҥ бырамыысыланнай хампаанньалара уонна геологическай чинчийэр тэрилтэлэрэ мустуохтара. 20-н тахса тэрээһин, дьыалабыай көрсүһүү былааннанар. Тэрээһин сүрүн тиэмэтинэн – саҥа усулуобуйаҕа бырамыысылыннас салааларын үлэтэ буолар. Роснедра, Росгеология, Уһук Илини сайыннарыы министиэристибэтэ, Минпромторг уонна Минэнерго, «Колмар», «Эльгауголь», «АЛРОСА» «Полиметалл», «Полюс Алдан» тэрилтэлэр, ХИФУ ректората, Томскайдааҕы политехническай университет, И.М.Губкин аатынан ньиэп уонна гаас Арассыыйатааҕы судаарыстыбаннай университета, научнай кииннэр уо.д.а. кыттарга бэлэмнэрин эттилэр.
«Билиҥҥи экэнэмиичэскэй балаһыанньаҕа пуорумҥа интэриэс улахан. Эспиэрдэр бэйэлэрин санааларын уонна этиилэрин эрэ буолбакка, тирээн турар кыһалҕалары дьүүллэһэн, билиҥҥи быһыыга-майгыга быһаарар суолу тобулуохтара. Тэрээһин көдьүүстээх кэпсэтии былаһааккатынан буолуоҕа уонна бырамыысыланнаска инвестициялары кэҥэтии суолтатын ыйыаҕа, илин дойдулар партнердарын кытары сыһыаны бөҕөргөтүөҕэ», – диэн кэпсээтэ өрөспүүбүлүкэ бырамыысыланнаска уонна геологияҕа миниистирэ Максим Терещенко.
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…