Өссө 10 ойуур баһаарын умуллардылар

Саха сиригэр баһаары умулларааччылар биир суукка иһигэр 2 469 гаа иэннээх  10 ойуур баһаарын тохтоттулар.  Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев брифиҥҥэ иһитиннэрдэ.

Ол курдук, баһаардар  Алдан, Амма, Үөһээ Халыма, Дьааҥы, Мэҥэ Хаҥалас, Нам, Өймөкөөн, Өлүөхүмэ уонна Орто Халыма улуустарын сиригэр-уотугар тохтотулуннулар.

Андрей Коноплев  этиҥтэн баһаардар Саха сирин Арктикатыгар, ол иһигэр Халыма-Индигиир бөлөх улуустарыгар саҕаламмыттарын туһунан  иһитиннэрдэ. Салгынынан уонна космостан мониторинг түмүктэринэн,  барыта 28 саҥа баһаар баара бэлиэтэннэ. Бу баһаардар нэһилиэнньэлээх пуунтан ыраах сирдэргэ турдулар.

Суукка саҕаланыытыгар өрөспүүбүлүкэ сиригэр-уотугар 189,2 тыһыынча гаа иэннээх 109 ойуур баһаара баар: 13-түү – Орто уонна Усуйаана, 11-дии – Үөһэ Халыма, Нерюнгри, Томпо улуустарыгар. Уонтан аҕыйах көрдүгэн Абый, Алдан, Өлүөхүмэ, Уус Маайа, Муома, Дьааҥы, Кэбээчи, Эбээн Бытантай улуустарыгар баара билиннэ.

Баһаары умулларарга барыта 769 киһи, 30 сирдээҕи уонна салгын тиэхиньикэтэ үлэлииллэр.