Өссө биэс баһаар күөдьүйэн кэллэ
![](https://sakha-sire.ru/wp-content/uploads/2023/09/cf34f45feb600fa5128eb7da54ae38569ede9f90.jpeg)
Балаҕан ыйын 2 күнүнээҕи туругунан, ааспыт сууккаҕа 2 ойуур баһаарын умуруордулар. Ол курдук, Өлүөхүмэҕэ 1556 гаа иэннээх сиргэ 2 баһаары умуруордулар. Маны тэҥэ, Бүлүүгэ, Ленскэйгэ, Өлүөхүмэҕэ, Уус Маайаҕа өссө 5 саҥа баһаар күөдьүйэн эрэрин буллулар.
Барыта 33 744 гаа иэннээх сиргэ 38 ойуур баһаара умайа турар. Өлүөхүмэҕэ, Алдаҥҥа — 12-лии, уус-Майаҕа, Нерюнгрига — 4-түү, Ньурбаҕа — 2, Бүлүүгэ, Ленскэйгэ, Кэбээйигэ, Намҥа — 1-дии. Бу мантан 21 гаа иэннээх сиргэ 3 баһаары эргитэн, сөҕүрүттүлэр.
Баһаардары умуруорууга 383 киһи, 21 анал тиэхиньикэ үлэлиир. Салгынтан кэтээн көрүүгэ уонна умуруорууга салгын аалларын көтүтэллэр.
Суһал ыстаап иһтиннэрэринэн, бу сааскыттан барыта 1,4 мөлүйүөн гаа иэннээх сиргэ 816 баһаар бэлиэтэммит. 2021 сыллаахха баччаларга 7,5 мөлүйүөн гаа иэннээх сиргэ 1580 ойуур баһаара күөх дуолу мэҥиэстибитэ бэлиэтэммитэ.
Ил Дархан, бырабыыталыстыба дьаһалтатын пресс-сулууспата.
Сообщить об опечатке
Текст, который будет отправлен нашим редакторам: