Өссө биир интэринээт-дьиэ тутуллар

Мэҥэ Хаҥалас улууһугар Маттаҕа кырдьаҕастарга уонна инбэлииттэргэ  51 миэстэлээх интэринээт-дьиэ тутуллар. Бу «Демография» национальнай бырайыак иитинэн тутуллар дьиэни 2025 сылга бүтэрэр былааннаахтар.

Үлэ хаамыытын бастакы вице-премьер  Дмитрий Садовников билистэ. Санатан эттэххэ, тутуу бастакы атаҕын саас түһэрбиттэрэ. Оттон бүгүн 33% бэлэм. Билиҥҥитэ 20 киһи үлэлиир.

Уопсайа 5 тыһ.кв.м иэннээх, икки мэндиэмэннээх дьиэ олорор уонна уопсай дьиэлээх буолар.  Бырайыагынан биирдии миэстэлээх 11 хос, икки киһи олороругар 17 хос, үс хос кэлээскэнэн сылдьар куруук олорор дьоҥҥо былааннаммыт. Бэйэлэрин көрүнэн-истинэн сылдьар дьоҥҥо 46 миэстэлээх остолобуой баар буолуоҕа. Маны таһынан, мастарыскыай, таҥас сууйар сир, о.д.а. былааннаналлар. Иккис этээскэ уопсай блокка доруобуйаларын көрөр, бэрэбиэркэлиир сир, 42 миэстэлээх аактабай саала, ЛФУ дьарыктанар сир уонна физкултууралыыр саала, психолог хоһо, бибилэтиэкэ көрүллэллэр. Манна кырдьаҕастар уонна инбэлииттэр сылы эргиччи олоруохтара.

Манна даҕатан эттэххэ, «Демография» национальнай бырайыак иитинэн соторутааҕыта 65  миэстэлээх саҥа интэринээт-дьиэ Намҥа аһыллыбыта. Эрдэ Бүлүү оройуонугар Сосновкаҕа Кэт Марсден аатынан интэринээт-дьиэ үлэҕэ киирбитэ. Кырдьаҕастарга уонна инбэлииттэргэ итинник дьиэ Өлүөхүмэҕэ тутуллубута.

Сиһилии https://www.sakha.gov.ru/news/front/view/id/3379352 манна киирэн көрүҥ.

СӨ Ил Дарханын уонна Бырабыыталыстыбатын пресс-сулууспата