“… Өссө да көмөлөһө туруохпут”

“Туох кыалларынан көмөлөһөбүт”,  – диэн “Саха сирин тимир суоллара” АУо генеральнай дириэктэрин каадырга уонна социальнай боппуруостарга  солбуйааччы Владимир  Мирошник иһитиннэрдэ.

—   Байыаннай эпэрээссийэ саҕаланыаҕыттан биһиги тоҕус үлэһиппит байыаннай дьайыыга ыҥырыллыбыта. Биһиги хас биирдиилэригэр 100-түү тыһыынчаны төлөөбүппүт уонна, сокуон быһыытынан,  үлэлиир миэстэлэрин оннунан хаалларабыт, кэлэллэрин күүтэбит. Өссө икки үлэһиппит кэргэттэрэ эмиэ мобилизацияламмыттара.  Бу үлэһиттэрбит дьиэ кэргэттэрин өйөөн,  ас бородууктатын атыыласпыппытын  идэлээх сойуус үлэһиттэрэ аадырыстарынан илдьэн биэрбиттэрэ.

Ону таһынан Алдан улууһуттан мобилизацияҕа барбыттар ситэри таҥналларыгар  500 тыһыынча суумаҕа туох наадалааҕын барытын атыыласпыппыт. Алдан улууһун “Биһиги бииргэ!” Сүрүннүүр кииҥҥэ байыаннай эпэрээссийэ кыттыылаахтарын өйүүргэ 500 тыһыынча солкуобай  ыытыллыбыта.

Былырыын Кировскай куорат Киин балыыһатыгар биохимическай анализатор атыыһалан ыыппыппыт. Балыыһа кылаабынай бырааһа Константин Кассе  мэдиссиинискэй тэрил үчүгэйдик үлэлиирин уонна мантан ыла хаан элбэх көрдөрүүтүн быһаарар кыахтаммыттарын туһунан этэн махтаммыта.

Онон, инникитин даҕаны көмөлөспүппүт курдук көмөлөһө туруохпут.