Өссө ханна баһылыктар, дьокутааттар быыбарга турдулар?

Бэс ыйын 20 күнүгэр Саха сиринээҕи Быыбар киин хамыыһыйата муниципальнай быыбардары анааһына салҕанар.

Быыбар киин хамыыһыйата иһитиннэрбитинэн, маннык поселениеларга баһылык быыбара ыытыллыаҕа:

«Маймаҕа сэл.» СП (Нам); Чукотскай национальнай Халарча нэһилиэгэр (Аллараа Халыма); Күндээдэ нэһилиэгэр (Ньурба); Эдьээн национальнай нэһилиэгэр (Уус Маайа).

Оттон ханнык поселениеларга бэрэстэбиитэллээх уорганнар дьокутааттарын быыбара буоларый?

«Маймаҕа сэл.» СП (Нам); Чукотскай национальнай Халарча нэһилиэгэр (Аллараа Халыма); Уус Ньара бөһүөлэгэр (Өймөкөөн); Эдьээн национальнай нэһилиэгэр (Уус Маайа).

Поселение таһымыгар дьокутааттарга эбии быыбар Муома национальнай нэһилиэгэр (Муома), Уус Маайа улууһун Югоренок бөһүөлэгэр буолуоҕа.

Бэс ыйын 20 күнүн туругунан Саха сирин сиригэр-уотугар 156 муниципальнай быыбар ананна, ол иһигэр 4 — улуустар  баһылыктарын быыбара, 71 — поселениелар баһылыктарын быыбара, 74 — поселение таһымыгар дьокутааттар быыбардара, 7 — улуус таһымыгар дьокутааттар быыбардара. Быыбардары анааһын бэс ыйын 25 күнүн киллэрэн туран барыаҕа, диэн Быыбар киин хамыыһыйата иһитиннэрэр.