Хаартыска: Василий Кононов түһэриитэ.
Ил Түмэн алтыс ыҥырыытын дьокутааттарын уочараттаах 42-c пленарнай мунньаҕын үлэтэ салҕанар.
Өрөспүүбүлүкэ дьокутааттара бастакы ааҕыыга дьүүллэһиигэ киирбит өрөспүүбүлүкэ сокуоннарыгар итиэннэ сокуоннар ыстатыйаларыгар уларытыылары киллэрэр барыллары көрөн, дьүүллэһэн ылыннылар. Нэһилиэнньэҕэ босхо юридическай көмөнү оҥорууга, сорох конституционнай сокуоннарга, олохтоох салайыныыга, быраабы административнай кэһиилэр тустарынан Кодекска, быыбардыыр быраапка, дьон референдумҥа кыттар быраабыгар, гражданскай оборуонаҕа, урбааҥҥа, доруобуйа харыстабылыгар уо.д.а. сыһыаннаах билигин үлэлии турар сокуоннарга саҥа уларытыылар киллэрилиннилэр.
Саха сиригэр айылҕа баһаардарыттан, бырамыысыланнас үлэтиттэн тулалыыр айылҕа киртийиитэ тахса турар. Ону таһынан нэһилиэнньэ олоҕор мөкү өттүнэн дьайар араас дьаллыктар, сэллик ыарыыта тарҕаналлар, саастарын ситэ илик үүнэр сүһүөх ыччаттарбытыгар иитии боппуруоһа күүскэ турда. Манан сибээстээн айылҕа алдьархайыттан уонна техногеннай иэдээннэртэн өрөспүүбүлүкэ нэһилиэнньэтин уонна сирин-уотун харыстааһын, олус үлүһүйүүлээх оонньуулары тэрийиини уонна ыытыыны бобуу, арыгыттан, норкуотуктан эбэтэр токсическай биэссэстибэттэн итирбит туруктаах дьоҥҥо көмөнү оҥорор анал тэрилтэлэри тэрийии, үлэ көрдөөһүҥҥэ ыарахаттары көрсөр дьоҥҥо үлэ миэстэтин квотатын туһунан, нэһилиэнньэни сэлликтэн харыстааһын уонна сэллиги утары көмөнү оҥоруу, саастарын ситэ илик оҕолорго уопсастыбаннай настаабынньыктары сыһыарыы тустарын сокуоннарга уларытыылар киирдилэр.
Ил Түмэн дьоҥҥо-норуокка суолталаах сокуоннары ылынар үлэтэ салҕанар.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…