Өссө икки оҕо эксээмэни 100 баалга туттарда

Share

Өрөспүүбүлүкэҕэ өссө икки оскуола үөрэнээччитэ Биир кэлим эксээмэни муҥутуур үрдүк баалга туттардылар. Бу туһунан Ил Дархан Айсен Николаев иһитиннэрдэ.

“Бу түмүк эбии (президенскэй) күннэргэ эксээмэни туттарыыга ылылынна. Маннык күннэр оскуоланы бүтэрээччилэр түмүктэрин тупсарар сыалтан, биир биридимиэти хаттаан туттаралларыгар бэриллэллэр. Өрөспүүбүлүкэтээҕи лиссиэй-интэринээт выпускниктара муҥутуур баалы ыллылар: Александр Бродников – химияҕа, Артем Татаринов – профильнай математикаҕа, кинилэр дьаныардаах буолууну дакаастаатылар. Бэйэҕэ эрэл хайаан даҕаны ситиһиигэ тиэрдиэҕэ», — диэтэ Айсен Николаев.

Бу иннинэ Саха сирин  бырабыыталыстыбатын дьиэтигэр Биир кэлим судаарыстыбаннай эксээмэҥҥэ 100 баалы ылбыт оскуола оҕолорун, ону тэҥэ анал көрдөрөр эксээмэнҥэ муҥутуур көрдөрүүнү ылбыт училище, техникум выпускниктарын чиэстээтилэр.

Ол курдук, 2025 сылга профильнай математикаҕа муҥутуур  100 баалга алта выпускник, оттон химияҕа түөрт выпускник туттарбыттар. Түөрт оскуола үөрэнээччитэ нуучча тылыгар, иккитэ литератураҕа, биир обществознаниеҕа 100 бааллаахтар.

Айсен Николаев Саха сирин оҕолоро 100 баалы ылбыттарынан киэн туттарын тоһоҕолоон эттэ уонна хайаан да бэйэлэригэр күүстэригэр итэҕэйэллэригэр ыҥырда.

Recent Posts

  • Сонуннар
  • Сүрүн

Оҕо оонньообута иэдээҥҥэ тиэрдиэн сөп…

Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…

27 секунд ago
  • Сонуннар
  • Үөрэх

Коронавирус саҥа долгунуттан сылтаан дистанционнай үөрэххэ көһүү туһунан сымыйа  сурах тарҕанна

Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…

16 минут ago
  • Сонуннар
  • Уопсастыба

Бэтэринээр үтүө аата – үйэлэргэ. Петровтар династиялара

Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…

30 минут ago
  • Сонуннар
  • Уопсастыба

Айсен Николаев Нерюнгри олохтоохторун Шахтер күнүнэн эҕэрдэлээтэ

Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…

50 минут ago
  • Сонуннар
  • Сүрүн

Айсен Николаев Шахтер күнүнэн эҕэрдэтэ

СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…

1 час ago
  • Сонуннар
  • Сүрүн

Куорат уонна тыа олохтоохторугар биэнсийэ кээмэйэ төһө буолбутуй?

РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…

2 часа ago