Ангелина Васильева хаартыскаҕа түһэриитэ
Юрий Платонов аатынан эстрада тыйаатырын артыыстара Москва аттынааҕы »Бэс Чагда» сонотуоруйга сынньана, эмтэнэ сылдьар байыастарга уонна кинилэр чугас дьонноругар кэнсиэр бэлэхтээтилэр.
Бэс ыйын 9 күнүгэр артыыстар Москваҕа көтөн кэлээт, »Бэс Чагдаҕа» тиийдилэр. Кинилэр бэс ыйын 11 күнүгэр Москва олохтоохторугар »Кыһыл күн» остуоруйа-мюзиклы көрдөрүөхтээхтэр. Бу кэнниттэн Казаньҥа тиийэн эмиэ көрдөрөллөр.
»Бэс Чагда» сонотуоруйга байыастар уонна кинилэр дьиэ кэргэттэрин чилиэннэрэ эмтэнэ, сынньана сылдьаллар. Бу кэнсиэр кинилэргэ бэртээхэй бэлэх, өйөбүл буолла, сүрдээҕин сэргэхситтэ.
Байыастары өйүүр судаарыстыбаннай пуонда олохтообут »Семья защитников Отечества» ааты ылбыт Санита Ай уонна Эрхаан Николаевтар, Ника, Айгылаан, Эрчим, Арчылаана, Оталан, Байтыкаан Батаакап, Юрислав Гольдеров ыллаатылар. Дьоро киэһэни Александр Максимов уонна Николай Гоголев иилээн-саҕалаан ыыттылар.
Эстрада тыйаатыра байыастары социальнай, култуурунай өттүнэн өйүүр бырагырааматын чэрчитинэн, бу кэнсиэр дойдубутун көмүскээччилэргэ сүгүрүйүү, ытыктабыл бэлиэтэ буолар.
Ыытааччы Николай Гоголев кэпсээбитинэн, тыйаатыр икки артыыһа испэктээккэ аналлаах реквизиты тиэммитинэн, »Газель» массыынанан аҕыс күн айаннаан кэлбиттэр. Маннык түгэн култуура эйгэтигэр хаһан да буола илик эбит.
»Бэс Чагда» сынньанааччылара кимнээҕэр сэргэх, көхтөөх көрөөччү буолан биэрдилэр. Ойон туран үҥкүүлээн, тэҥҥэ ыллаһан, оһуохайдаан, сээдьэлээн бардылар. Бэл, тайахха тэптэрэ сылдьар байыас туран, кэргэнин бытаан үҥкүүгэ ыҥырда. Дойдуларыттан тэйэ сылдьар дьон сахалыы иэйиилээх ырыаларынан ахтылҕаннарын таһаардылар.
»Бэс Чагдаҕа» байыастар чөлгө түһэллэригэр кэлим көмөнү оҥороллор, эмтииллэр. Маны тэҥэ, сонотуоруйга волонтердар үлэлэрин чэрчитинэн, сынньанааччылар харысхал сиэккэлэри өрөллөр, байыаннай таҥастары тигэллэр.
Эрхаан »Эр Хоһуун хотойдор» ырыатын көрөөччүлэр сүһүөхтэригэр туран эрэ ылластылар. Олус истиҥ тыыннаах, дьоро киэһэ буолла.
Ааптар хаартыскаларга түһэриитэ.
Telegram үлэтэ Арассыыйа бүтүннүүтүгэр хааччахтаныа. Бу туһунан Роскомнадзорга бигэргэттилэр диэн РБК суруйар. «Биһиги ханнык баҕарар…
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна - бу олохтоохтор үрдүк көхтөөхтөрүн…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…